| e-texts navigator |
| Wylie |
25b1 ལྷ་ཡི་རྒྱལ་པོའི་མངའ་ཟང་ནི། སྒྲུབ་པ་པོ་ལ་རྩོལ་བར་མཛད། ཤིན་ཏུ་ཐུགས་རྗེའི་བདག་ཉིད་ལས། དཔལ་ལྡན་ཚོགས་བདག་ཐུགས་རྗེ་ཆེ། ཐུག་རྗེ་ཆེན་པོས་དབུལ
25b2 བ་བསྐྱོབས། ནོར་ལྷ་ཆེན་པོའི་བདག་ཉིད་འདི། དར་རམ་ར་ས་ལ་ལེགས་བྲིས་ཏེ། རྒྱལ་གྱི་ཉིན་པར་སྤྱན་ཕྱེ་ནས། གང་གི་ཁྱིམ་དུ་བཞུགས་པ་ཡི། ས་ཕྱོགས་དེ་ནི
25b3 བཀྲ་ཤིས་འགྱུར། ཟངས་ལས་ཚོགས་བདག་ཆེན་པོའི་སྐུ། མཁས་པས་ལེགས་པར་བཟོ་བྱས་ནས། ཙན་དན་དམར་པོས་བྱུགས་པ་ཕི། མཎྜལ་སྟེང་དུ་ལེགས
25b4 བར་བཞག། བན་ཏུ་ཀའི་མེ་ཏོག་དང་། པད་མ་རཱ་ག་རིན་ཆེན་དང་། མེ་ཏོག་དམར་པོ་ཀུན་གྱིས་མཆོད། བྷྲཱུ~ཾ་ཞེས་བྱ་བའི་རེག་པ་བཟླས། རྒྱལ་པོའི་བུ་མོ་དབང་དུ
25b5 འགྱུར། ལྷ་མོ་ཀླུ་མོ་མི་མོ་དང་། མི་འམ་ཅིའི་བུ་མོ་དང་། བྲམ་ཟེའི་བུ་མོ་མཚན་ལྡན་པ། མཆོག་ཏུ་གཟུགས་བཟང་འགུགས་པར་འགྱུར། བྲན་མོའི་བཞིན་དུ་བསྒོ
25b6 བ་ཉན། དེ་ལ་སོགས་པ་མཐའ་ཡས་མཆོག། སྐུ་གཟུགས་དག་ལ་བསྟེན་ཏེ་མཆོག། མཆོད་པ་ཙམ་གྱི་འབྱུང་བ་ཡིན། གཞན་ཡང་ཚོགས་བདག་ཆེན་པོའི་སྐུ།
25b7 རིན་པོ་ཆེའི་རྒྱུ་ལས་བྱས། དཀྱིལ་འཁོར་སྟེང་དུ་བཞུགས་བྱས་ཏེ། རཏྣ་སིང་ཏི་ཞེས་བྱ་བའི། རིག་པ་འབུམ་དུ་བཟླས་པ་ཡིས། ས་འོག་གཏེར་རྣམས་སྟོན
25b8 པར་བྱེད། ཅི་དགའ་བར་ཡང་སྤྱོད་པར་འགྱུར། ཚོགས་ཀྱི་བདག་པོའི་རྒྱུད་ལས། རྒྱལ་པོ་ལ་སོགས་པ་སྒྲུབ་པའི་ལེའུ་སྟེ་དགུ་པའོ།། །
iiif viewer powered by OpenSeadragon
