| e-texts navigator |
| Wylie |
23b1 ཡང་གསུངས་པ་ནི། དངོས་གྲུབ་ཐམས་ཅད་སྒྲུབ་པ་ནི། མཚན་གྱི་གསང་སྔགས་ཞེས་བྱ་བ། དངོས་གྲུབ་འགྲུབ་པའི་སྙིང་པོ་ནི། དཔལ་ལྡན་དབྱངས་ཀྱི་ཡི་གེ་སྟེ།
23b2 ཨོཾ་ཞེས་བྱ་བ་མགོ་ལ་བཞག། ཡིད་བཞིན་ནོར་བུའི་ཡི་གེ་ལ། ཉི་མིའི་ཡི་གེ་འོག་ཏུ་སྦས། དབྱངས་ཡིག་དྲག་པོ་འོག་ཏུ་སྦྱར། ཐིག་ལེ་དེས་ནི་བརྒྱན་པར་བྱའོ།།
23b3 མཚན་གྱི་དང་པོའི་ཡི་གེ་ནི། དེ་ཡི་རྗེས་ལ་བརྗོད་པར་བྱ། བཞི་པའི་ལྔ་པ་དེ་ནས་པར། ལྔ་པའི་དང་པོ་བྲི་བར་བྱ། དེ་བཞིན་གཤེགས་པའི་མཚན་དང་པོ།། དེ་ཡིས
23b4 རྗེས་ལ་བརྗོད་པར་བྱ། འབྱུང་བ་རླུང་གི་ཡི་གེ་ལ། དབྱངས་ཡིག་བརྒྱད་པས་བརྒྱན་པ་ནི། དེ་ཡིས་རྗེས་ལ་བྲི་བར་བྱ།། བཞི་པའི་ཡིག་འབྲུ་གཉིས་པོ་ཡང་།
23b5 ཀུན་གྱི་མཐར་ནི་བརྗོད་པར་བྱ། མཚན་གྱི་གསང་སྔགས་ཞེས་བྱ་བ། འདོད་པ་ཐམས་ཅད་སྒྲུབ་བྱེད་ཡིན། མཚན་གྱི་གསང་སྔགས་བསྟན་པའི་ལེའུ་སྟེ་དྲུག་པའོ།།
23b6 ། དེ་ནས་ཡང་དག་བཤད་བྱ་བ། སྐར་མ་རྒྱལ་གྱི་ཉིན་པར་ནི། མེ་ཏོག་དཀར་པོའི་རྩ་བ་འམ། ཙན་དན་དཀར་པོ་དག་ལས་ནི།
23b7 ཚོགས་ཀྱི་བདག་པོའི་སྐུ་གཟུགས་ནི། ཐེ་བོང་གི་ནི་ཚད་ཙམ་བྱ། གསུས་པོ་ཆེ་བ་ཕྱག་བཞི་པ། མཁས་པས་བྱས་ཏེ་ལེགས་པ་ནི། རིན་པོ་ཆེ་ཡི་སྣོད་དུ་བཞག།
23b8 སྐར་ཆེན་མངོན་པར་གསལ་བའི་ཚེ། ནང་གི་ཆ་རིགས་སྐ་ཁྲུས་གསོལ། གཙང་ཞིང་དང་ལ་ཡིད་དུ་འོང་། དྲི་དང་ལྡན་པའི་བུམ་པ་འདིས། མེ་ཏོག་དཀར་པོ་དྲི་ཡི་ནི།
iiif viewer powered by OpenSeadragon
