| e-texts navigator |
| Wylie |
112b1 སེམས་ཅན་ཐམས་ཅད་ཀྱི་གནས་དང་། སེམས་ཅན་ཐམས་ཅད་ཀྱི་རྒྱུད་ལ། ཆོས་དང་ཟང་ཟིང་གི་ལོངས་སྤྱོད་དཔག་ཏུ་མེད་པ། བསམ་གྱི་མི་ཁྱབ་བརྗོད་ཀྱི་མི་ལངས
112b2 བ་འབྱུང་ཞིང་རྒྱས་པར་གྱུར་ཅིག། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་།
112b3 སྙིང་པོ་དང་། ཕྱག་རྒྱ་དང་། ཏིང་ངེ་འཛིན་གྱི་བྱིན་གྱིས་བརླབས་དང་བདེན་པའི་མཐུས། ཕ་རོལ་ཏུ་ཕྱིན་པ་ལ་སོགས་པའི་ཆོས་ཀྱི་སྦྱིན་པ་དང་། ཟང་ཟིང་གི
112b4 སྦྱིན་པ་འདིས་ལུས་དང་སེམས་མཉན་པ་དང་། ཚིམ་པ་དང་། དགའ་བར་གྱུར་ཅིག། དེ་ནས་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ནས། ཁྱིམ་བདག
112b5 བཟང་སྐྱོང་ལགས་སོ་ལེགས་སོ།། དེའི་འཁོར་ལྷ་དང་། མི་དང་ལྷ་མ་ཡིན་ཐམས་ཅད་ཀྱིས་ཆོས་སྦྱིན་འདི་ལྟར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ
112b6 སྩལ་ནས། ཐམས་ཅད་དང་ལྡན་པའི་འཁོར་དེ་དག་དང་། ཁྱིམ་བདག་བཟང་སྐྱོང་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །
112b7 བདུད་རྩི་འབྱུང་བའི་གཟུངས་རྫོགས་སོ།། ། སངས་རྒྱས་འཁོར་དང་བཅས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་ལས།།
112b8 སྤེན་པ་སངས་རྒྱས་ཀྱིས་མཚན་བརྒྱ་རྩ་བརྒྱད་པ་བཅོམ་ལྡན་འདས་རྣམ་པར་སྣང་མཛད། སྙིང་རྗེའི་ཙན་དན་གྱི་དྲི་ཞིམ་པོའི་སྤོས་ཀྱི་བྱུག་པའི་སྐུ། ཞབས
iiif viewer powered by OpenSeadragon
