| e-texts navigator |
| Wylie |
98a1 @གཟན་དྲིམ་ཡུངས་ཀར་བསྲེགས།། གསང་སྔགས་བཟླས་ཤིང་མཁའ་ལ་གཏོ། ཨོཾ་བཛྲ་ཀྲོ་ཏ་དྷ་ལཱ་ཧུ་ལུ། ཏིཥྛཏིཥྛ། བན་དྷ་བནཿ། ཅན
98a2 ཕཊ།། སེར་བ་བསྲུང་བའི་ལེའུ་སྟེ་བཅུ་པའོ།། ། དེ་ནས་བཅོམ་ལྡན་འདས་ཀྱིས་འོད་འོད་ཟེར་རབ་ཏུ་བཀྱེ་སྟེ། ཕྱག་སྟོང་དང་སྤྱན་སྟོང་ནས་འོད་ཟེར་བཀྱེ་བ་འདི་ནི་འདི་ལྟ
98a3 སྟེ། དཀར་པོ་དང་། དམར་པོ་དང་། ནག་པོ་དང་། ལྗང་ཁུ་དང་། སེར་པོ་དང་། འོད་ཟེར་དེ་དག་གིས་གྲོ་བ་རིགས་དྲུག་པོ་ཐམས་ཅད་ལ་ཁྱབ་སྟེ།། དབུགས་དབྱུང་བར་མཛད་དོ།། དེ་ནས་རྒྱལ་པོ
98a4 ཆེན་པོ་བཞི་དང་། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ཚངས་རིས་དང་། ཚངས་འཁོར་དང་། ཚངས་པ་མདུན་ན
98a5 འདོན་དང་། ཚངས་ཆེན་དང་། འོད་ཆུང་དང་། ཚད་མེད་འོང་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་དང་།
98a6 མི་ཆེ་བ་དང་། མི་གདུང་བ་དང་། གྱ་ནོམ་སྣང་བའོ།། འོག་མིན་ལ་སོགས་པ་ལྷའི་བུ་དག་གིས་མཆོད་པའི་སྤྲིན་གྱི་ཆར་ཕབ་ནས། ལྷའི་བུས་ཚིགས་སུ་བཅད་ནས་བསྟོད་པ།། སྤྱན་རས་གཟིགས
98a7 དབང་ཐུགས་རྗེའི་སྐུ།། ཕྱག་སྟོང་ཉོན་མོངས་སྒྲོལ་བའི་ཕྱག། སྤྱན་སྟོང་ཤེས་རབ་འོད་གསལ་ཏེ།། འགྲོ་དོན་མཛད་ལ་ཕྱག་འཚལ་བསྟོད།། ཅེས་བསྟོད་ནས། བཅོམ་ལྡན་འདས་ཐུགས་རྗེ
98a8 ཆེན་པོའི་སྐྲ་དེ་མི་སྣང་བར་གྱུར་ནས་བཅོམ་ལྡན་འདས་ཤཱཀྱ་ཐུབ་པར་གྱུར་ཏོ།། དེ་ནས་ལྷའི་བུས་གསོལ་པ། འདི་ཡི་ཕན་ཡོན་ཅི་ཞེས་ཞུས་པ་དང་།། བཅོམ་ལྡན་འདས་ཀྱི་བཀའ་སྩལ་པ། གང
iiif viewer powered by OpenSeadragon
