| e-texts navigator |
| Wylie |
90b1 སྐྲ་དང་སྔགས་དང་ལས་རྣམས་དང་། ཁྱད་པར་ཆོག་བསྟན་པར་བགྱིས།། ཞེས་གསོལ་བ་བཏབ་ནས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ལེགས་སོ
90b2 ཞེས་བྱ་བ་སྦྱིན་ནས། བཅོམ་ལྡན་འདས་ཀྱིས་བཀའ་སྩལ་པ།། སྐྲའི་རྣམས་པ་ནི་འདི་ལྟ་སྟེ། ཐུགས་རྗེ་དག་པ་ཆུ་ཤེལ་སྟེ།། མཉམ་པར་བཞེངས་ནས་འགྲོ་དོན་མཛད།། ཆུ་ཤེལ་མདོག་འདྲ་ཞལ
90b3 གསུམ་དཀར།། ལྗང་སྐུའི་མདོག་ཅན་ནག་པོ་ཆེ།། སེར་པོ་དེ་བཞིན་བཅོམ་ལྡན་དམར།། དྲང་སོང་རྟགས་སུ་རི་དགས་རྒྱན།། ཞི་བ་འཛུམ་དང་བཞད་པ་དང་། ཁྲོ་བའི་ཞལ་མངའ་སྤྱན་གསུམ་མཛེས།
90b4 བཅུ་པ་སེམས་དཔའ་རྟག་ཅན་ཏེ།། བཅུ་གཅིག་བཅོམ་ལྡན་འདས་ཀྱི་བདག། ཡོན་ཏན་ནོར་བུ་མྲི་ཏིག་འཕྲེང་།། འདྲེན་ལས་སྣ་ཚོགས་སྨད་དཀྲིས་པ།། དང་པོའི་ཕྱག་ནི་ཐལ་སྦྱར་ཏེ།། གཡས་པ་རིན
90b5 ཆེན་ཕྲེང་བ་འཛིན།། གཡོན་པ་དྲི་མེད་པད་མ་སྟེ།། གཡས་པ་མཆོག་སྦྱིན་མཛད་པ་སྟེ།། གཡོན་པ་རིལ་སྤྱི་བླུབས་ཏེ།། གཡས་པ་འཁོར་ལོ་རབ་ཏུ་འཛིན།། གཡོན་པ་ཡིད་ནི་མདའ་གཞུ་སྟེ།། ལྷག
90b6 མ་མཆོག་སྤྲིན་སྤྱན་ལྡན་ནོ།། དེ་ནས་བཅོམ་ལྡན་འཛུམ་པ་མཛད་དེ།། ཅོད་པན་གཉིས་ནས་འོད་ཟེར་རབ་ཏུ་འཕྲོ་བ་དང་།། བཅོམ་ལྡན་འདས་ལ་སངས་རྒྱས་ཐམས་ཅད་ཀྱིས་བྱིན་གྱི་བརླབས
90b7 ལས་བྱུང་བའི་པད་མའི་སྟེང་དུ་རིགས་ལྔ་འབྱུང་བ་ནི་འདི་ལྟ་སྟེ།། རྣམ་པར་སྣང་མཛད་དང་། སྣང་བ་མཐའ་ཡས་དང་། དོན་ཡོད་གྲུབ་པ་དང་། མི་སྐྱོད་པའོ།། ཁང་བུ་རྩེགས་པའི་རིན་པོ་ཆེའི་ནང་།
90b8 དུ་སེང་གེ་དང་།། རྟ་དང་རྨ་བྱ་དང་ནམ་མཁའ་ལྡིང་དང་།། གླང་པོ་ཆེའོ།། དེ་དག་ནི་ཅོད་པན་ལས་བྱུང་བའོ།། ཡུམ་ནི་སྐུ་མདོག་སྔོན་པོ་སྟེ།། པད་མ་ལས་བྱུང་པད་མའི་སྟེ། ཚད་མེད་བཞི
iiif viewer powered by OpenSeadragon
