| e-texts navigator |
| Wylie |
89a1 དམར་པོའི་ལོ་མ་གཉིས།། པད་མ་བཞི་ལ་སྔགས་བཞི་ལྡན།། རང་ལུས་འོག་ནས་ཐལ་མོ་སྦྱོར།། སྐུ་ལ་འདུད་ཅིང་འཕྲིན་ལས་བྱེད།། རྡོ་རྗེའི་གདན་ལ་མི
89a2 སྐྱོད་པའི།། ཐུགས་ཁ་ནས་ནི་སྔགས་འདི་འདོན།། སྤྲོ་པ་གསུམ་དུ་ལྡན་པའི་སྔགས།། ཉི་ཤུ་རྩ་གཅིག་གདོན་པར་བྱའོ།། གསང་བའི་བདག་པོ་རྒྱུད་འདི་ལ་སྨོད་པའི་སེམས་ཅན་དེ་ནི་སངས
89a3 རྒྱས་དང་བྱང་ཆུབ་སེམས་དཔའ་ཐམས་ཅད་ལ་སྨོད་པ་ཡིན་ནོ།། གསང་བའི་བདག་པོ་རྒྱུད་འདི་ཉན་པ་དང་།། སེམས་དཔའ་དང་། མཆོད་པ་དང་། འཆང་བ་དང་། ཐ་ན་འདི་ལ་མོས་པའི་སེམས
89a4 ཅན་དེ་དག་ལ་རྒྱལ་ཆེན་བཞིའི་ལྷ་དང་། སུམ་ཅུ་རྩ་གསུམ་གྱི་ལྷ་དང་།། ཚངས་པའི་བུ་དང་། ཚངས་ཆེན་རྣམས་ཀྱིས་བསྲུང་བ་དང་། སྐྱབ་པ་དང་། སྨྲ་བ་དང་། ཀུན་ཏུ་རྗེས་སུ་འབྲང་བར་བྱེད་དེ།
89a5 དེ་བས་ན་ལྷག་པའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་བུ་ལ་མས་བསྲུང་བ་བཞིན་དུ་བསྲུང་བར་འགྱུར་རོ།། བདུད་ཀྱི་བར་དུ་གཅོད་པར་མི་ནུས་སོ།། གང་ཤི་འཕོས་ནས་ནུབ་ཕྱོགས
89a6 བདེ་བ་ཅན་དུ་པད་མོས་ལས་སྐྱེ་བར་འགྱུར་རོ།། མངལ་གྱི་སྡུག་བསྔལ་ལས་ཐར་བར་འགྱུར་རོ།། ཚེ་འདིར་མེ་དང་ཆུའི་འཇིགས་པ་ལས་ཐར་བར་འགྱུར་རོ།། འདིར་ནི་མདོ་ཙམ་སྨོས་སུ་ཟད་ཀྱི།
89a7 དེ་མ་ཡིན་པ་གང་འདོད་པ་ཐམས་ཅད་བསམ་པ་བཞིན་དུ་འགྱུར་རོ།། གང་རྒྱུད་འདི་ལ་གནོད་པ་དང་། འཚེ་བ་དང་། ཚུལ་བཞིན་མ་ཡིན་པར་ཡིད་ལ་བྱེད་ན། དེ་ལྷའི་བུ་དང་ཀླུའི་བུ་ཁྱེད་རྣམས་ཀྱིས
89a8 བསྲུང་བར་གྱིས་ཤིག་ཅེས་བཀའ་སྩལ་ཏོ།། དེ་ནས་གསང་བསང་བའི་བདག་པོ་དང་། ཚངས་རིས་ཀྱི་ལྷའི་བུ་དེ་དག་རབ་ཏུ་དགའ་ནས་ཚུལ་བཞིན་དུ་ཁས་བླངས་པར་བྱའོ།། དེ་ནས་གཞན་བསྲུང་བའི
iiif viewer powered by OpenSeadragon
