| e-texts navigator |
| Wylie |
87b1 སྣོད་དུ་འདུས་པ་དང་། བྱང་གྱི་དཀྱིལ་འཁོར་ལ་ནད་སྣ་ཚོགས་འདུས་པ་དང་། གློ་བན་བ་དང་། དབུགས་མི་བདེ་བ་དང་། རླུང་མཁྲིས་པདཀན་འདུས་པ་ཐམས་ཅད་ལས་ཐར་བར་འགྱུར་རོ།།
87b2 འཇམ་དཔལ་གཟུངས་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ།། སུ་ཞིག་གམ་རྒྱལ་པོ་ཆེན་པོས་དེས་གཟུངས་འདི་གླེག་བམ་ལ་བྲིས་ཏེ་འཆང་བ་དང་། གློག
87b3 བ་དང་། ཀུན་ཆུབ་པར་བྱེད་པ་དང་། མཆོད་པ་དང་། ཡི་གེར་འདྲི་བ་དང་། གྲོང་ཁྱེར་རམ། གྲོང་རྡལ་ལམ། ལྗོངས་སམ། རྒྱལ་པོའི་ཡུལ་འཁོར་དང་བཅས་པ་འམ། གཙུག་ལག་ཁང་དུ
87b4 གླེགས་བམ་འདི་ཅངས་ན།། དཔལ་ནག་པོ་ཆེན་པོ་ཞི་དང་རྒྱལ་པོ་ཆེན་པོ་བཞི་དང་། ཀླུའི་རྒྱལ་པོ་བ་རུ་ན་དང་།། ཀླུ་ཆེན་པོ་བརྒྱད་རྣམས་སླད་བཞིན་དུ་འབྲང་ཞིང་།། དཔག་ཚད་སྟོང་ཚུན་ཅད
87b5 དུ་རྒོལ་བ་དང་། ལྷ་དང་། ཀླུ་དང་། གནོད་སྦྱིན་དང་། གདོན་མ་རུང་བ་ཐམས་ཅད་དང་།། ལོག་པར་འདྲེན་པ་དང་། ཕྱིར་རྒོལ་བ་ཐམས་ཅད་འཇོམས་པར་འགྱུར་རོ།། བསྒོམ་ཉེས་པ་དང་། བྲི་ཉེས
87b6 བ་དང་། སྔགས་ནོར་བ་དང་། ཕྱག་རྒྱ་ནོར་བ་དང་། བཤད་ཉེས་པ་དང་། ཉན་པ་ནོར་ཡང་གཟུངས་འདི་ཀླགས་དག་པར་འགྱུར་རོ།། གཟུངས་འདིས་སུ་ལ་སྲང་བར་བྱས་པ་དང་།། ཡོངས
87b7 སུ་སྒྲུབ་པར་བྱས་པ་དང་།། བསྐྱང་བ་དང་། ཞི་བ་དང་བདེ་ལེགས་སུ་བྱས་པ་དེ་ལ་མཚོན་དང་།། དུག་དང་དབྱིག་དུག་དང་། བྱད་དང་། གཤེད་མ་དང་། རིམས་དང་། གནོད་པ་ཐམས་ཅད་དང་།
87b8 དུས་མ་ཡིན་པར་འཆི་བས་མི་ཚུགས་སོ།། གནོད་པ་བྱེད་པས་ཚར་གཅོད་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཇམ་དཔལ་དང་།།
iiif viewer powered by OpenSeadragon
