| e-texts navigator |
| Wylie |
238b1 སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པས་གདོན་མི་ཟ་བར་རྟོགས་པར་གྱིས་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་ལག
238b2 ན་རྡོ་རྗེས་སླར་ཡང་བཅོམ་ལྡན་འདས་ལ་བལྟས་ནས། དེ་ནས་ཡང་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས་ངོ་ཕབ་ཏེ། ཅང་མི་སྨྲས་པར་འཁོད་པར་གྱུར
238b3 དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ཅང་མི་སྨྲ་བར་འཁོད་པར་གཟིགས་ནས་འདི་སྐད་ཅེས་བཀའ་བསྩལ་ཏོ།། རིག་པའི་རྒྱལ་པོ་དཔག་ཏུ་མེད་པའི་སྟོབས་ཀྱིས་པ
238b4 རོལ་གནོན་པའི་རྡོ་རྗེ་འཛིན་པ་ཆེན་པོ་འཁོར་ཐམས་ཅད་སྤྲོ་བའི་སེམས་སུ་གྱུར་པས་ཅད་མི་སྨྲས་པར་འཁོད་པས་སྨོས་ཤིག་སྨོས་ཤིག། དེ་སྐད་ཅེས་བཀའ་སྩལ་བ་དང་།
238b5 ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་རྗེ་སུ་གནང་བདག་ལྷ་མ་ཡིན་གྱི་དབང་པོ་གཞན་ལེན་ཞེས་བྱ་བས་ཉེ་བར་པོས་སྟེ། ལྷ་མ
238b6 ཡིན་གྱི་འཁོར་ཆེན་པོས་ཡོངསུ་བསྐོར་ནས་རང་གི་གནས་སུ་མཆིསོ།། བཅོམ་ལྡན་འདས་གནས་དེར་བདག་གིས་སྔོན་མ་འཚལ་བའི་ཁང་པ་དང་། སྟོང་དང་། རྟ་བབས། ཡང
238b7 ཐོག་དང་། བྱི་ར་དང་། མཚོ་དང་། མཆེའུ་དང་། རྫིང་དང་། ཁྲོན་པ་དང་། སྒོ་དང་། སྒོ་གསང་རྣམས་མཐོང་ལགསོ།། བཅོམ་ལྡན་འདས་བདག་གིས་ཏིང་ངེ་འཛིན་གྱི་ཁྱད་པར་གང
238b8 གང་གིས་ཀྱང་སྟོན་མ་འཚལ་ཏེ། བདག་གིས་དེའི་རྣམ་པར་རྣལ་འབྱོར་པས་བསམས་གཏན་མཆོག་ལ་མཉམ་པར་བཞག་ལགསོ།། དེར་ལྷ་མ་ཡིན་གྱི་དབང་པོ་གཞན་ལེན་གྱིས
iiif viewer powered by OpenSeadragon
