| e-texts navigator |
| Wylie |
104a1 བ་སྟེ། འདོད་ཆགས་ཆེན་པོ་ཉིད་ཀྱི་ཕྱིར་རོ།། གཡས་པ་གནག་པ་སྟེ། ཞེ་སྡང་ཆེན་པོ་ཉིད་ཀྱི་ཕྱིར་རོ།། གཡོན་པ་དཀར་བ་སྟེ་གཏི་མུག་ཉིད
104a2 ཀྱི་ཕྱིར་རོ།། ཕྱག་དྲུག་བྱའོ།། གཡོན་པའི་ཕྱག་གཅིག་གིས་དཀར་མེའི་མགྲིན་པ་ནས་འཁྱུད་པ་དང་། པད་མ་དམར་པོ་བསྣམས་པ་དང་། གཡོན་པ་ཉིད་ཀྱིས་མེ་ཏོག་གིས་གཞུ
104a3 བསྣམས་པའོ།། གཡས་པ་གསུམ་དུ་ཁབ་ཀྱི་ཕྱག་རྒྱས་བར་མ་ཁ་འབྱེད་པ་དང་། མེ་ཏོག་གི་མདའ་དང་། ལྕགས་ཀྱུ་བསྣམས་པའོ།། སེམས་དཔའི་དཀྱིལ་མོ་ཀྲུངས་གྱིས
104a4 གནས་པར་བྱའོ།། ཤར་ཕྱོགས་ཀྱི་འདབ་མ་ལ་རྣམ་པར་གཟིགས་པ་མདོག་དཀར་བ། པད་མ་དམར་པོ་དང་། རྡོ་རྗེའི་ཕྱག་རྒྱ་ཅན་དང་། ལྷོ་ཕྱོགས་ཀྱི་འདབ་མ་ལ་ལྷ་མོ་སྒྲོལ་མ
104a5 ལྗང་ཁུ། རྒྱ་སྐྱེགས་ཀྱི་ཤིང་གི་ལོ་མ་དང་། རིན་པོ་ཆེ་ཕྱག་ན་བསྣམས་པའོ།། ནུབ་ཕྱོགས་ཀྱི་འདབ་མ་ལ་བྷ་རི་སེར་མོ།། ཨུད་པ་ལ་འཁོར་ལོ་བ་རྣམས་པའོ།། བྱང་ཕྱོགས་ཀྱི
104a6 འདབ་མ་ལ་ཁྲོ་གཉེར་ཅན་པད་མ་དམར་སེར་ལྟ་བུ་པད་མ་སེར་པོ།། རལ་གྲི་ཕྱག་ན་བསྣམས་པའོ།། ཤར་གྱི་འཚམས་སུ་པད་མའི་གོས་ཅན་མ་གསེར་ལྟ་བུའི་མདོག་ཅན་བཅོད
104a7 ལྟ་བུའི་པད་མ་བསྣམས་པའོ།། ལྷོ་ཕྱོགས་ཀྱི་འཚམས་སུ་རྡོ་རྗེ་པད་མ་དབང་ཕྱུག་མན་མཁའི་མདོག་ཅན་དཀར་མོ།། པད་མ་དང་ཤེལ་ཕྲེང་བསྣམས་པའོ།། ནུབ་ཕྱོགས་མཚམ
104a8 སུ་སྣ་ཚོགས་ཀྱི་པད་མ་སྟོན་ཀའི། ཟླ་བ་ལྟ་བུ་དཀར་སེར་གྱི་མདོག། པད་མ་ནག་པོ་དང་པོ་ཏི་བསྣམས་པའོ།། བྱང་ཕྱོགས་ཀྱི་འཚམས་སུ་སྣ་ཚོགས་རྡོ་རྗེ་མ་སྣ་ཚོགས་ཀྱི་མདོག
iiif viewer powered by OpenSeadragon
