| e-texts navigator |
| Wylie |
103b1 ཉིད་དང་ནི།། སྐྱེ་བ་འདི་ལས་འགྲུབ་པར་འགྱུར།། ཡང་གསུངས་པ། རྣལ་འབྱོར་དག་ནི་གཟུགས་བརྙན་གྱི།། བཅོས་པའི་སྐུ་ལ་འགྱུར་བ་སྦྱིན།། བྱང་ཆུབ་སེམས་ཆེན་ལ་བནོན
103b2 ན།། རྣལ་འབྱོར་དག་ནི་ད་ལྟར་ཡིན།། ཁྲག་ཆེན་པོ་དང་ག་པུར་བཅས།། ཙན་དན་དམར་པོ་བསྲེས་པ་ནི།། ཚོགས་ཀྱི་ནང་དུ་ཞུགས་པ་ན།། ཀུན་ལས་མཆོག་གྱུར་བཅུད་ལེན
103b3 ནི།། སྦྱོར་བཟང་པོ་འདི་ཡིས་ནི།། བཅུད་ཀྱི་ལེན་ནི་སླ་བ་རུ།། དཔལ་དར་སེམས་པ་ཆེ་བཟང་བ།། ནད་མེད་བདེ་བ་བཟང་པོ་ཐོའོ།། གྲུབ་པ་མཚན་ཉིད་ཇི་ལྟར་གསུངས།། སངས
103b4 རྒྱས་ཕ་རོལ་ཕྱིན་པ་དང་།། གཟུངས་དང་ཡང་དག་དེ་བཞིན་འགྲུབ།། བདེ་སྟོང་ཐམས་ཅད་ཐོབ་འགྱུར་ཅིང་།། རང་ཉིད་སོ་སོར་རྗེས་སུ་འགྲུབ།། སངས་རྒྱས་ཐམས་ཅད་མཉམ
103b5 སྔོར་ལས།། སངས་རྒྱས་ཐམས་ཅད་རབ་ཏུ་འགྲུབ།། སངས་རྒྱས་ཐམས་ཅད་དངོས་ཉིད་ཀྱང་།། སངས་རྒྱས་ཀུན་ནི་རབ་འགྲུབ་འགྱུར།། གཞན་ཡང་རྣལ་འབྱོར་གྱི་སྤྱོད་པ་བྱེད
103b6 པོར་འདོད་པ་ཡི།། སེམས་ཡོངས་སུ་དག་པར་བྱེད་ན།། དེའི་ཚེ་ཐོང་སྐྲའི་བསྒྲུབ་པ་བཤད་དེ།། བསྙེན་གནས་དང་ལྡན་ཞིང་བསྐང་བར་གནས་པའི་ལྷ་བཟོའ་ཚོན་སྣ་མ་འདྲེས
103b7 བ་གསར་པ་དེ་ཡང་རང་རང་གིས་ཀུན་ཏུ་ཁྲུ་ཟུ་རེའི་ཚད་ཀྱིས། བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་བྲིས་པར་བྱས་ཏེ། སྣ་ཚོགས་ཀྱི་པད་མ་འདབ་མ་བརྒྱད
103b8 ཀྱི་ཟེ་འབྲུ་ཡི་དཀྱིལ་དུ་ཟླ་བའི་དཀྱིལ་འཁོར་གྱི་དབུས་སུ། བཅོམ་ལྡན་འདས་མདོག་དམར་བོར། མི་བསྐྱོད་པའི་དབུ་རྒྱན་ཅན་ཞལ་གསུམ་ཕྱག་དྲུག་པ་ཞལ་གྱི་གཙོ་བོ་ནི་དམར
iiif viewer powered by OpenSeadragon
