| e-texts navigator |
| Wylie |
351b1 ཡང་ཡོད་དོ།། གླེང་བཞི་མེད་པ་ནི། ཁ་ཅིག་ན་རེ། སྟོན་པ་པོ་དང་། བསྡུད་པ་པོ་ཐ་དད་མེད་པར་དགོངས་པ་འམ། ཡང་ན་རྒྱུད་ཀྱི་དུམ་བུ་ཡིན་པས
351b2 མ་བསྟན་ཞེས་བཤད་དོ།། ཁ་ཅིག་འདི་བྱ་རྒྱུད་དུ་བྱེད་དོ།། འགའ་ཞིག་ན་རེ། འདི་ལ་ལྷའི་བསྐྱེད་མཆོག་སོགས་བྱ་རྒྱུད་དང་འཐུན་པའི་ངེས་པ་མེད་ཅིང་།
351b3 འགྲེལ་པ་ལས་ཀྱང་། རང་རང་རྒྱུད་དང་རྟོག་པ་ལ་གནས་པའི་ཅིག་ཏུ་བསྒྲུབ་པ་རྣམས། གཅིག་ཏུ་ཡང་དག་པར་བསྡུས་ཏེ་བསྟན་ཏོ་ཞེས་རྒྱུད་སྣ་ཚོགས་ཀྱི
351b4 དོན་བསྡུས་པར་བཤད་པས། དཔལ་གྱི་རྒྱུད་དང་། བྱ་རྒྱུ་དེ་རྐྱང་པ་ཡིན་པའི་ངེས་པ་མི་སྣང་བས་སྤྱི་རྒྱུད་ལྟ་བུར་ཡང་། འཇམ་དཔལ་གྱི
351b5 གསུངས་ཤིང་བྱ་རྒྱུད་དུ་གྲགས་པས་བཞིན་གཞག་གོ་ཞེས་འཆད་དོ།། འོན་ཀྱང་རྣལ་འབྱོར་གྱི་དབང་མགའ་ཞིག་གིས་གསུངས་ནས། བྱ་རྒྱུད་ནི་མ་ཡིན
351b6 ཏེ། བདག་གི་རྣལ་འབྱོར་མང་དུ་བསྟན་པ་དང་། སྤྱོད་པ་ཅི་བདེ་བས་འགྲུབ་པ་མང་དུ་བསྟན་པའི་ཕྱིར་རོ།། དེས་ན་འདི་རྣལ་འབྱོར་གྱིས་རྒྱུད་ཡིན་ཏེ།
iiif viewer powered by OpenSeadragon
