| e-texts navigator |
| Wylie |
345b1 ཤ་ཀུ་ཊ་པུ་ཏ་ཡ་ན་མ།། བདག་གི་དོན་ནམ་གཞན་གྱི་དོན།། དགེ་འམ་ཡང་ན་མི་དགེ་བ།། བདག་གི་དོན་ནི་གང་བསམ་པ།། དེ་དག་ཐམས་ཅད་བདེན་པར་གསུངས།།
345b2 སྔ་དྲོས་ཕྱོགས་གཙང་མར་མཎྜལ་བྱུགས་ཏེ། བུམ་པ་བཞག་ལ་ཡང་དག་པར་མཆོད་དེ། བུ་མོ་གཞོན་ནུ་མ་གྲོང་པའི་ཆོས་ཀྱིས་མ་གོས་པ་གཅིག་ལ་ཁྲུས་བྱས
345b3 ལ།། གོས་གཙང་མ་བགོ་ཞིང་། ཙན་དན་དཀར་པོས་ལུས་ལ་བྱུགས་ལ། དྲི་བཟང་པོའི་མེ་ཏོག་མགུལ་བར་བཏགས་ཏེ་བསྟན་ཤིང་མཎྜལ་བསམ་པའི་དོན
345b4 སྟོན་པར་བྱེད་དོ།། དགོངས་ཀ་མགོ་བོའི་གནས་སུ་མཎ་ཌ་ལ་བྱུགས་ཏེ། བཅོམ་ལྡན་འདས་ལྷའི་བུ་དྲི་མ་མེད་པ་ལ་ཡང་དག་པར་མཆོད་དེ། བརྒྱ་རྩ་བརྒྱད་བཟླས
345b5 ནས་ཉལ་ན་དགེ་བ་དང་མི་དགེ་བ་བསམ་བཞིན་སྟོན་པར་བྱེད་དོ།། རྟག་ཏུ་བཟླས་པ་རྣམས་ལ་འཇིག་རྟེན་གསུམ་གྱི་སྤྱོད་པ་འཆད་པར་བྱེད་དོ།། ཨོཾ་ཤྲ་པ་ཎ་པི་ཤ་ཅི་ནི
345b6 མུན་ཌེ་སྭཧཱ། བ་རུ་རེའི་ཤིང་དྲང་ངམ་ནྱ་གྲོ་ཏའི་ཤིང་དུ་བསྡད་ལ་སྨྲ་བཅད་བྱས་ཏེ། འབུམ་བཟླས་ན་འགྲུབ་པར་འགྱུར་རོ།། འཇིག་རྟེན་གསུམ་གྱི་སྤྱོད་པ་ཡང
345b7 སྣང་བར་བཤད་དོ།། ཡང་ན་འཁྲུས་བྱས་ཏེ་གོས་གཙང་མ་བགོས་ནས་དབེན་པར་ཁྲི་བཟླས་ན་འགྲུབ་པར་འགྱུར་རོ།། མཚན་མོ་རུ་རྟ་ལ་བརྒྱ་རྩ་བརྒྱད་བཟླས
iiif viewer powered by OpenSeadragon
