| e-texts navigator |
| Wylie |
339b1 པ་ལ་ཐོད་ལོ་ཀོར་གྱིས་བྲིས་ཏེ་སྒོ་ལ་བཏགས་ན་བྱིས་པ་ཙས་མ་ཐག་པ་རྣམས་བསྲུང་བར་བྱེད་དོ།། སྒྲ་ཚིལ་ལ་གཟུགས་བརྙན་སོར་བཞི་པ་བྱས་ཏེ་དེའི་མིང་སྤེལ་བ་དང་བཅས
339b2 པའི་སྔགས་བྲིས་ཏེ་བཅུག་སྟེ་ཚེར་མས་དེའི་ཁ་ལ་བཏབ་ན་ཕྱིར་རྒོལ་གྱི་ཁ་བསྡམས་པར་འགྱུར་རོ།། རྐང་པ་ལ་བཏབ་ན་འགྲོ་བ་རེངས་པར་བྱེད་དོ།། སྙིང་ཁར་བཏབ་ན་ཁོང་ཁྲོ
339b3 སེལ་བར་བྱེད་དོ།། མིའི་རྐང་པའི་རུས་པའི་ཕུར་བུ་འམ་ལྕགས་ཀྱི་ཕུར་བུས་ཁྲོ་ཞིང་ཡན་ལག་གང་ལ་བཏབ་པའི་ཡན་ལག་དེ་སྐམས་པར་འགྱུར་རོ།། དགྲའི་སྒོར་རྩར་སྦས་ན་སྐྲོད
339b4 པར་འགྱུར་རོ།། དུར་ཁྲོད་ཀྱི་ཐལ་བ་ལ་མངོན་པར་སྔགས་ཏེ་སྒོ་ཕྱིབསུ་སྦས་ན་སྐྲོད་པར་འགྱུར་རོ།། རལ་གྲིལ་མངོན་པར་སྔགས་ཏེ་གཡུལ་ན་སྦྱིན་བསྲེག་འབུམ་བྱས་ན་གྲོང
339b5 རྙེད་པར་འགྱུར་རོ།། ཨོཾ་ཧྲི་བྷ་སུ་དྷ་རི་ནི་སྭཱ་ཧཱ། ཨོཾ་ཙན་ཏ་གན་དྷ་ཡེ་སྭ་ཧཱ། ཨོཾ་དད་ཏ་ཡེ་སྭ་ཧཱ། ཨོཾ་ཨ་ཏཱ་ཡེ་སྭཱ་ཧཱ། ཨོཾ་སུ་བྷ་ཏྲ་བྷ་ཡེ་སྭ་ཧཱ། ཨོཾ་གུན་ཏ་ན་ཡེ་སྭཱ་ཧཱ། ཨོཾ་དེ་བྷི་ཡེ་སྭ་ཧཱ།
339b6 ཨོཾ་སར་སཱ་ཏེ་ཡེ་སྭཱ་ཧཱ། གསེར་གྱི་བྱང་བུ་འམ་དངུལ་གྱི་བྱང་བུའི་མེ་ཏོག་འདབ་མ་བརྒྱད་པའི་དབུས་སུ་བ་སུ་དྷ་ར། ཤར་ལ་སོགས་པའི་ཕྱོགས་སུ་ཙན་ཏྲ་གྷནྡྷ་ལ་སོགས་པ་གནོད
339b7 སྦྱིན་མོ་རྣམས་མངོན་པར་བྲིས་པའི་བྱང་བུ་གཉིས་ཁ་སྦྱར་བྱས་པའི་ནང་དུ་མར་དང་སྦྲང་རྩི་དང་ཀ་ར་གུར་རམ་བཅུ་གང་སྟེ། གོང་དུ་བཤད་པའི་ཆོ་གས་སྔར་སྨོས་པའི་ལས་རྣམས
iiif viewer powered by OpenSeadragon
