| e-texts navigator |
| Wylie |
338b1 རྨ་བྱའི་འཇུག་སྒོ་རྣམས་ཅིག་ཏུ་དྲིལ་ནས་བརྒྱ་རྩ་བརྒྱད་མངོན་པར་སྔགས་པའི་ཆོས་ཡོན་དབུལ་ལོ།། རིམས་ཞག་གཅིག་པ་དང་། ཞག་གཉིས་པ་དང་། ཞག་གསུམ་པ་དང་། ཞག་བཞི།
338b2 བ་ལ་སོགས་པའི་རིམས་ཟད་པར་བྱེད་དོ།། འབྱུང་པོ་དང་ཡི་དགས་དང་། ཤ་ཟ་དང་བྲམ་ཟེའི་སྲིན་ས་ལ་སོགས་པ་ཉམས་པར་བྱེད་དོ།། བྱིས་པ་མི་འཚོ་བའི་བུད་མེད་ལ་ལན་བརྒྱ
338b3 རྩ་བརྒྱད་མངོན་པར་བསྔགས་པའི་བུམ་པའི་ཆུས་ཁྲུས་བྱས་ན་བྱིས་པ་འཚོ་བར་འགྱུར་རོ།། དཔུང་པ་འམ་མགལ་པ་ལ་གྲོལ་ག་ལ་བྲིས་ཏེ་བཏགས་ན་མངལ་ལ་བསྲུང་བར་འགྱུར།།
338b4 གཡུལ་དུ་སྔགས་དྲན་པས་རྒྱལ་བར་འགྱུར་རོ།། བྱབས་པས་ནད་ཐམས་ཅད་སེལ་བར་འགྱུར་རོ།། ཨོཾ་པཱ་ད་ཙ་ལི་ནེ་སྭ་ཧཱ། སྔགས་ཀྱི་རྒྱལ་པོ་འདི་སྔོན་དུ་བསྙེན་པའི་ཚོགས་ལེགས
338b5 པར་བསྒྲུབས་ན་ལས་ཐམས་ཅད་བྱེད་དོ།། ཆུ་ལ་མངོན་པར་སྔགས་ཏེ་འཐུངས་ན་འབྲམ་བུ་ལ་སོགས་པ་མི་འབྱུང་ངོ་།། ཤོ་གུ་ལ་མངོན་པར་བྲིས་ཏེ་སྒོའི་སྟེང་དུ་བཞག་ན་འབྲུམ
338b6 བུ་ལ་སོགས་པ་མི་འབྱུང་ངོ་།། ཉེ་བར་འཚེ་བ་ཐམས་ཅད་བསྲུང་བ་ཆེན་པོའོ།། ཞུན་མར་གྱིས་བསྐས་པའི་ཏིལ་གྱིས་སྤྲིན་བསྲེག་བྱས་ཏེ་བྱ་རོག་གི་བཤོག་པ་བཟུང་ནས་ཁྲི
338b7 བཟླས་ལ་གང་གི་ཁྱིམ་གྱི་ཐོག་ཏུ་བཞག་པ་དེ་སྐྲོད་པར་བྱེད་དོ།། ཨོཾ་བི་ཤ་ཙི་པར་ན་ཤ་ཐ་རི་སརྦ་ཨུ་པེ་དྲ་བ་ན་པ་ནི་སྭཧཱ། རིག་པ་ཆེན་མོ་འདི་རྐང་པ་གཉིས་དང་རྐང་པ་བཞི་པ
iiif viewer powered by OpenSeadragon
