| e-texts navigator |
| Wylie |
333a1 ། རྣམས་སུ།། མངོན་སྤྱོད་ཀྱི་ནི་ལས་བྱ་བ།། ཐབས་ཁུང་ཐ་མ་བར་མ་མཆོག། ཕྱེ་དང་གསུམ་འམ་ཁྲུ་གསུམ་འམ།། ཁྲུ་དག་པ་ནི་བྱས་པ་ལས།
333a2 སྟེགས་བུ་དེའི་ཚད་བརྩིགས་ཏེ།། གྲུ་གསུམ་པ་འམ་མདུང་རྩེ་འདྲ།། ལུགས་ཕྱེ་སོལ་བྱེ་དག་གིས་ནི།། བསྐས་པས་ཐབས་ཁུང་ནག་པོར་བྱ།། དབུས་སུ་རྡོ་རྗེ་རྩེ་དགུ་པ།
333a3 ནག་པོ་ཤིན་ཏུ་འབར་བ་བྲི།། མུ་རན་སྟེང་དུ་རྩེ་གསུམ་དང་།། རྒྱ་གྲམ་པ་ཡི་རྡོ་རྗེས་མཚན།། དེ་ཡི་ཕྱི་རོལ་མུ་ཁྱུད་ལ།། དབྱུག་པ་དང་ནི་དགྲ་སྟ་དང་། རལ་གི་ཤིན
333a4 ཏུ་འབར་བ་བྲི།། དེ་ཡི་ཕྱི་རོལ་ཀེང་རུས་ཏེ།། བདེ་གཤེགས་ལ་སོགས་ཕྱག་རྒྱས་མཚན།། དུད་སྤྲིན་མདོག་འདྲ་དྲང་སྲོང་མཆོག། མི་རོའི་སྟེང་བཞུགས་རྩེ་གསུམ་དང་།།
333a5 གཟར་བུ་ཕྲེང་བ་རིལ་བར་ལྡན།། དེ་ལྟའི་མེ་ལྷ་སྤྱན་དྲངས་ནས།། ལྷོར་ལྟས་ཁྲོས་པའི་སེམས་ཀྱིས་བསྲེག། ཤིན་དུ་གདུག་ཅིང་ཚེར་མར་བཅས།། བསྲེགས་ཤིང་ཡམས
333a6 ཤིང་བྱས་ནས་ཀྱང་།། ཤ་དང་ཁྲག་དང་ལྕགས་ཕྱེ་དང་།། རུས་བྱེ་དག་དང་ཀེ་ཚེ་དང་།། དྲི་ཆེན་དྲི་ཆུ་ལ་སོགས་པའི།། རྫས་རྣམས་ཀུན་ལ་དུག་གིས་ནི།། བསྒོས
333a7 པས་ལན་གྲངས་འབུམ་བསྲེགས་ནས།། དེ་ཡིས་ལོངས་སྤྱོད་འབྱོར་པ་དང་།། གཉེན་དང་འཁོར་དང་བྲན་རྣམས་དང་།། བུ་དང་ཆུང་མར་བཅས་པ་རྣམས།། སྤངས་ཏེ།
iiif viewer powered by OpenSeadragon
