| e-texts navigator |
| Wylie |
322a1 བི་དངོས་པོ་ལ།། རྒྱས་པར་གྱུར་པར་བསྒོམ་བྱ་ཞིང་།། ཞི་བ་ལྷ་ཡི་རྣལ་འབྱོར་ང་།། ཞི་བའི་སེམས་ཀྱིས་ཞི་བྱ་བ།། རང་གི་ལུས་ནི་གསེར་གཅོས་དང་།།
322a2 ཉི་མ་གསལ་ཤར་དགེ་འདྲ་དང་།། བསམ་པ་བརྒྱས་དང་བྱ་བའི་ཕྱིར།། འོད་ཟེར་སྤྲིན་གྱི་དགང་བར་བྱ།། པད་མ་སེམས་དཔའི་ཏིང་འཛིན་གྱིས།། ཧྲི་འདྲ་འོད་ཟེར་བཏབ་པ་ཡིས།།
322a3 སྙིང་ལ་ཀུན་ཏུ་བསྐོར་བྱེད་ཅིང་།། འདོད་པ་ཀུན་གྱིས་དབང་དུ་བྱེད།། རྡོ་རྗེ་ཧཱུཾ་གི་ཏིང་འཛིན་གྱིས།། འཁྲོས་ནས་རྡོ་རྗེ་མཚོན་ཆའི་ཆར།། སྡིག་སྤྱོད་ལུས་ལ་དབབ་གྱུར་ནས།
322a4 དེ་མ་ཐག་ཏུ་གསོད་པར་འགྱུར།། དེ་ནས་བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་ཕྱག་ན་རྡོ་རྗེས་སེམས་ཅན་ཐམས་ཅད
322a5 ལ་ཕན་པའི་ཕྱིར་ཐེ་ཚོམ་ཐམས་ཅད་གཅོད་པ།། ངན་སོང་ཐམས་ཅད་ཟློག་པའི་བརྟག་པ་དམ་པ་འདི་བཤད་པ་ལེགས་སོ་ལེགས་སོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེ
322a6 ཕྱག་རྒྱའི་ལེའུ་འདི་བཤད་དོ།། ལག་པ་གཉིས་མདུན་དུ་བཞག་ལ། ཨ་ལས་ཟླ་བའི་དཀྱིལ་འཁོར་དུ་བྱིན་གྱིས་བརླབ་པར་བསམ་སྟེ། ཧཱུཾ་ཞེས་བྱ་བ་དང་། ཨ་ཞེས་བྱ་བས་ཟླ་བའི
322a7 དཀྱིལ་འཁོར་དེ་ཉིད་བྱིན་གྱིས་བརླབས་ལ། ལག་པ་གཉིས་ཐལ་མོ་གཉིས་ཀ་ལ་སོགས་པའི་ཡི་གེ་བཅུ་དྲུག་གིས་ཀུན་ཏུ་དགང་ཞིང་འཕྲོ་བར་བྱས་ཏེ།། མཐེ་བོང་གཉིས་ལ་ཨོཾ།
iiif viewer powered by OpenSeadragon
