| e-texts navigator |
| Wylie |
280a1 ལ་བན་པའི་གཙོ་ཆེན་གྱིས།། སྨན་པར་དགོངས་ཏེ་བཞེས་སུ་གསོལ། ཨོཾ་བཛྲ་པྲ་ཏིགྣི་ཧ་ཧཱུཾ། ཨོཾ་པྲ་ཏི་ཛ་བཛྲ་ས་མ་ཡ་ཧཱུཾ། མེ་ཏོག་རིན་ཆེན་ལ་སོགས་པ།
280a2 གང་ལ་བབ་པ་རིགས་ཀྱི་ལྷ།། གཙོ་བོའི་རིགས་དེ་བསྒྲུབས་ནས་ནི།། དངོས་གྲུབ་འགྱུར་ཏེ་ཐེ་ཚོམ་མེད།། དེ་ནས་སྔགས་པ་མཁས་པ་ཡི།། སྔགས་འདི་དམ་ཚིག་སྦྱིན་པར
280a3 བྱ།། ཨོཾ་བཛྲ་ས་མ་ཡ་ཧཱུཾ།། ཨོཾ་བཛྲ་ས་མ་ཡ་ཧྲི་ད་ཡ་མེ།། ། པྲ་བེ་ཤ་དྷི་དྷ་ཏིཥྛ་ཧཱུཾ། དེ་ནས་དམ་ཚིག་སྒྲོགས་པར་བྱའོ།། འདི་ནི་ཁྱོད་ཀྱི་དམྱལ་བའི་ཆུ།། དམ་ཚིག་འདས
280a4 ན་བསྲེག་པར་བྱེད།། དམ་ཚིག་སྲུང་ན་དངོས་གྲུབ་ནི།། རྡོ་རྗེ་བདུད་རྩིའི་ཆུ་འདིས་འགྲུབ།། ཇི་སྟེ་དམ་ཚིག་འདས་ན་ནི།། དེ་མ་ཐག་ཏུ་བཀས་ནས་གཤེགས།། རྡོ་རྗེ་འཛིན
280a5 རྒྱལ་འཁྲོས་ནས་ཀྱང་།། བདུན་རྒྱུད་རིགས་ནི་བརླག་པར་མཛད།། དེ་བས་རྟག་ཏུ་བུ་ཁྱོད་ཀྱིས།། རྒྱལ་བས་གསུངས་པའི་དམ་ཚིག་དང་།། སྡོམ་པ་དང་ནི་བླ་མའི
280a6 བཀའ།། ཤིན་ཏུ་མོས་པས་སྲུང་བར་བྱ།། ཁྱོད་ཀྱིས་སྲོག་ཆགས་གསད་མི་བྱ།། མ་བྱིན་པར་ཡང་བླང་མི་བྱ།། བརྫུན་དང་འདོད་ལོག་སྤྱོད་པ་རྣམས།། དངོས་གྲུབ་འདོད
280a7 པས་བྱ་བ་མིན།། འཆང་ནི་བཏུང་བར་མི་བྱ་ཞིང་།། ཤ་ལ་སོགས་པ་བཟའ་མི་བྱ།། སེམས་ཅན་གནོད་པའི་སྦྱོར་བ་ནི།། ནམ་ཡང་བྱ་བ་མ་ཡིན་ནོ།། དཀོན་མཆོག
iiif viewer powered by OpenSeadragon
