| e-texts navigator |
| Wylie |
276a1 རྫོགས་པའི་བྱང་ཆུབ་ཐོབ་པར་བགྱི་བའི་སླད་དུ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་ཚངས་པ་ལ་སོགས་པ་ལྷའི་བུ་དེ
276a2 དག་དང་། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདིས་བྱིན་གྱིས་བརླབ་པར་བྱ་བའི་ཕྱིར། གདོན་མི་ཟ་བར་དོན་ཡོད་པའི་རྡོ་རྗེ་བྱིན་གྱིས་བརླབས་པ་ཞེས་བྱ་བའི
276a3 ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་ཉིད་ཀྱི་ཐུགས་ཁ་ནས་སྔགས་འདི་ཕྱུང་ནས་ལྷ་དེ་དག་དམ་ཚིག་ཅན་དུ་བྱིན་གྱིས་བརླབས་སོ།། ཨོཾ་བཛྲ་ཨ་ཏིཥྛ་ན་ཛཱ།
276a4 ས་མ་ཡེ་ཧཱུཾ།། དེ་ལྟར་ཏིང་ངེ་འཛིན་ལ་སྙོམས་པར་ཞུགས་ནས་ཀྱང་། གདོན་མི་ཟ་བར་མི་མཆོམ་པའི་རྡོ་རྗེའི་བྱིན་གྱིས་བརླབས་ནས་ངན་སོང་ཐམས་ཅད་ཡོངས་སུ་སྦྱོད
276a5 བའི་རྒྱལ་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་སྙིང་ཁ་ནས་ཕྱུང་ངོ་།། ཨོཾ་ཤོ་དྷ་ནེ་ཤོ་དྷ་ནེ་སརྦ་པཱ་པཾ་བི་ཤོ་དྷ་ནེ་ཤུདྡྷེ་བི་ཤུད་དྷེ། སརྦོ
276a6 ཀརྨ་ཨ་བ་ར་ན་བཱི་ཤུདྡྷེ་སྭཱ་ཧཱ། རིན་པོ་ཆེ་འདི་བཤད་མ་ཐག་ཏུ་སེམས་ཅན་ཐམས་ཅད་ཀྱང་ངན་སོང་གི་རྒྱུད་ཀྱི་འཆིང་བ་ཐམས་ཅད་རྣམ་པར་བཅད་དོ།། ངན་འགྲོ་ཐམས
276a7 ཅད་རྣམ་པར་སྤངས་སོ།། སྡུག་བསྔལ་མི་བཟད་པ་རྣམས་རབ་ཏུ་ཞི་སྟེ། སྐྱེ་བོ་མང་པོ་རྣམས་བདེ་བ་དང་ལྡན་པར་གྱུར་ཏོ།། དེ་ལས་གཞན་ཡང་གསང་བའི་སྙིང་པོ་འདི་གསུང་སོ།།
iiif viewer powered by OpenSeadragon
