| e-texts navigator |
| Wylie |
274a1 སངས་རྒྱས་བཅོམ་ལྡན་འདས་རྣམས་ནི་མི་མཉམ་པ་དང་མཉམ་པའི་ཡེ་ཤེས་དང་ལྡན་པའོ།། སངས་རྒྱས་བཅོམ་ལྡན་འདས་རྣམས་ནི་མི་མཉམ
274a2 པ་དང་མཉམ་པའི་རྫུ་འཕྲུལ་དང་ལྡན་པའོ།། སངས་རྒྱས་བཅོམ་ལྡན་འདས་རྣམས་ནི་མཉམ་པ་དང་མཉམ་པའི་སྟོབས་དང་ལྡན་པའོ།། ལྷའི་དབང་པོ་དེ་ལྟར་བས་ན།
274a3 སངས་རྒྱས་བཅོམ་ལྡན་འདས་ཀྱིས་སྣོད་ཇི་ལྟ་བ་བཞིན་དུ་སེམས་ཅན་གྱི་དོན་མཛད་པ་དང་། ཇི་ལྟར་འདུལ་བ་བཞིན་དུ་སེམས་ཅན་གྱི་དོན་མཛད་པ་དང་། མོས་པ་ཇི་ལྟ་བ
274a4 བཞིན་དུ་སེམས་ཅན་གྱི་དོན་མཛད་པ་ཡིན་པར་ཤེས་པར་བྱ་སྟེ། འདི་ལ་ཐེ་ཚོམ་དང་སོམ་ཉི་དང་། ཡིད་གཉིས་མ་བྱེད་ཅིག། གང་དེ་བཞིན་གཤེགས་པ་རྣམས
274a5 ཀྱིས་འདལ་བར་མི་འགྱུར་བ་ནི་གནས་མ་ཡིན་ནོ།། དེ་ནས་ལྷའི་དབང་པོ་རྒྱ་བྱིན་རང་གྱི་སྟན་ལས་ལངས་ནས། ཡང་བཅོམ་ལྡན་འདས་ལ་མཆོད་པ་རྒྱ་ཆེ་ཞིང་ཆེ་བ་བྱས
274a6 ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སེམས་ཅན་རྣམས་ལ་ཕན་པ་ཉིད་དུ་བགྱི་བ་དང་། སེམས་ཅན་ཐམས་ཅད་ལ་སྙིང་བརྩེ་བ་ཉིད་དུ་བགྱི་བ
274a7 དང་སྙིང་རྗེ་བ་ཅན་དུ་བགྱི་བ་དང་། སྙིང་བརྩེ་བ་ཆེན་པོ་ཅན་དུ་བགྱི་བ་དང་། བསམ་པ་ཐམས་ཅད་ཡོངས་སུ་རྫོགས་པར་བགྱི་བར་བཅོམ་ལྡན་འདས་བདག་སྨོན
iiif viewer powered by OpenSeadragon
