| e-texts navigator |
| Wylie |
269b1 དགའ་བ་ཆེ།། ཀུན་ཏུ་བཟང་པོ་ཀུན་བདག་ཉིད།། རྡོ་རྗེ་བསྙེམས་པའི་བདག་པོའི་བདག། ཞེས་བྱ་བ་མཆོག་དང་པོའི་སྐྱེས་བུའོ།། དེ་ལ་ཇི་ལྟར་རང་གི་ལྷག་པའི་ལྷ་ཐམས་ཅད་ཀྱི
269b2 བསྒྲུབ་པ་ཆེན་པོའི་རྒྱུད་ཡིན་ཞེ་ན།། བརྟན་པ་དང་ནི་གཡོ་བ་དང་།། རྟོག་པ་ཀུན་ལ་གྲུབ་བྱ་གང་།། རང་གི་ལྷག་པའི་ལྷ་སྦྱོར་བས།། དེ་དག་ཐམས་ཅད་བསྒྲུབ་པར་བྱ།།
269b3 དེ་ནས་ཐམས་ཅད་རྗེས་སུ་བསྒྲུབ་པའི་རྒྱུད་ནི།། རྡོ་རྗེ་དྲིལ་བུ་འཛིན་གྱུར་ནས།། རྡོ་རྗེ་དྲིལ་བུ་རབ་སད་ཅིང་།། རྟོག་པ་ཐམས་ཅད་རྗེས་བསྒྲུབ་པས།། མཆོག་དང་པོ་སོགས་གྲུབ་པར
269b4 འགྱུར།། དེ་ལ་ཇི་ལྟར་འབད་པ་མེད་པར་ཐམས་ཅད་བསྒྲུབ་པའི་རྒྱུད་ཡིན་ཞེ་ན།། བསྒྲུབ་བྱ་ཅི་འདོད་བསྒྲུབ་ནས་ནི།། ཕྱི་ནས་ཇི་ལྟར་འདོད་པ་ཡི།། ཅི་འདོད་སྤྱོད་པ་ལ་སྤྱོད་ཅིང་།།
269b5 ཐམས་ཅད་བྱེད་ཅིང་ཐམས་ཅད་བཟའ།། ལངས་པ་འམ་ནི་འདུག་པའམ།། གང་དག་དེ་རུ་ཆགས་པ་འམ།། རྒོད་པ་འམ་ནི་སྨྲ་བ་འམ།། གང་དེར་ཇི་བཞིན་དེ་བཞིན་ནོ།།
269b6 དབང་པོ་གང་དང་གང་ལ་འགྱུར།། དེ་དང་དེ་ཡི་ངོ་བོར་བྱ།། དེ་ནས་དཀྱིལ་འཁོར་བྲི་བའི་ཆོ་ག་བཤད་པ་ནི།། དཀྱིལ་འཁོར་བདག་པོ་གང་ཡིན་པ།། རྣལ་འབྱོར་དཀྱིལ་འཁོར
269b7 ཆོ་ག་ཡིས།། དཀྱིལ་འཁོར་བྲི་བར་བྱ་བ་ནི།། དཀྱིལ་འཁོར་བསྟན་པར་གྲུབ་པ་ལས།། དཀྱིལ་འཁོར་བརྟག་པའི་ཆོ་གའོ།། དེ་ནས་གསང་བ་ལྔའི་བདག་ཉིད་བཤད།། ཐོག
iiif viewer powered by OpenSeadragon
