| e-texts navigator |
| Wylie |
267a1 ལྡན་འདས་བདུད་ཉིད་དང་བདུད་ལས་རྒྱལ་བ་ཇི་ལྟར་ཡིན་ཞེ་ན།། སེམས་ཉིད་ཁོ་ན་བདུད་ཡིན་ཏེ།། སེམས་ཉིད་དེ་བཞིན་གཤེགས་པའོ།།
267a2 རང་སེམས་གདུལ་བར་བྱ་བའི་ཕྱིར།། བདག་ཉིད་བདུད་ཉིད་གྱུར་པ་ཡིན།། དེ་ལ་ཇི་ལྟར་བཅོམ་ལྡན་འདས།། མངོན་པར་རྫོགས་པས་བྱང་ཆུབ་དང་།། སངས་རྒྱས་གང
267a3 ཡིན་ཞེ་ན་ཏེ།། རང་སེམས་སོ་སོར་རྟོགས་པའི་ཕྱིར།། བྱང་ཆུབ་སེམས་མཆོག་རྡོ་རྗེ་ཉིད།། དེ་ཕྱིར་དེ་ཉིད་སངས་རྒྱས་ཉིད།། བདག་བྱིན་བརླབས་མཆོག་གྲུབ་ཕྱིར་རོ།།
267a4 དེ་ལ་ཇི་ལྟར་བཅོམ་ལྡན་འདས་ཕྱག་ན་རྡོ་རྗེ་ཡིན་ཞེ་ན།། མི་ཕྱེད་སོ་སོར་རྟོག་པ་དང་།། གདུག་པ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་སྟེ།། བྱང་ཆུབ
267a5 སེམས་ནི་བརྟན་པ་བདག། ཀུན་དུ་བཟང་པོ་ལག་ཏ་ནི།། མཚོན་ཆ་དེ་ནི་རྒྱལ་བས་འབྱིན།། བརྟན་པ་ཐམས་ཅད་གྲུབ་པའི་ཕྱིར།། དེས་ན་ཕྱག་ན་རྡོ་རྗེ་དེས།། དེ་ལ་ཇི་ལྟར
267a6 རིག་པ་ལས་བྱུང་བ་ཤེས་པའི་རྒྱུད་གང་ཡིན་ཞེ་ན།། ཤེས་རབ་ཕ་རོལ་ཕྱིན་པ་ཡུམ།། ཡབ་ནི་ཐབས་ལ་མཁས་པ་སྟེ།། རྡོ་རྗེ་སེམས་དཔའ་གདུལ་བྱའི་ཕྱིར།། རིགས་རྣམས་རབ་ཏུ་བྱུང
267a7 བའོ།། དེ་ལ་བཅོམ་ལྡན་འདས་འདོད་པ་དང་ཐར་པ་གང་ཡིན་ཞེ་ན།། བཅོམ་ལྡན་འདས་ནི་ཆགས་པ་ཆེ།། དངོས་གྲུབ་ཐམས་རྗེས་ཆགས་ཕྱིར།། དངོས་གྲུབ་ཐམས་ཅད་མི་འགྱུར་བ་དེ།
iiif viewer powered by OpenSeadragon
