| e-texts navigator |
| Wylie |
265b1 བདག་པོ་རྣམས་དང་ནི།། རིགས་རྣམས་གསལ་བ་ཇི་ལྟར་ལགས།། ཐམས་ཅད་དབང་བསྐུར་དེ་ཉིད་དང་།། ཕྱག་མཚན་ཚོགས་ཀྱི་དེ་ཉིད་དང་།། ཐམས་ཅད་དགག་དང་མཆོད
265b2 པ་བྱེད།། བདག་བྱིན་བརླབ་སོ་བསྒྲུབ་པ་སྟེ།། དེ་ནི་དེ་ཉིད་གསང་བ་དང་།། དོན་ཡོད་པ་དང་མཆོག་ཉིད་དང་།། མི་འགྱུར་དམ་པ་གྲུབ་པའི་ཕྱིར།། ཐམས་ཅད་བདག་ཅག
265b3 རྣམས་ལ་གསུངས།། ཞེས་བྱ་བ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཆོག་གི་མདོ་གསུངསོ།། དེ་ནས་སྟོན་པ་རྡོ་རྗེ་འཛིན།། རྟོག་པ་ཀུན་གྱི་བདག
265b4 ཆེན་པོ།། ཐེ་ཚོམ་ཚོགས་རྣམས་གསན་ནས་སུ།། དེའི་ལན་ནི་གསུངས་པ་ཡིན།། དེ་ལ་རྟོག་པའི་དོན་གྱི་རྒྱུད་ཇི་ལྟར་ཡིན་ཞེ་ན། རྣམ་རྟོག་མེད་པའི་ཆོས་རྣམས་ལས།།
265b5 སེམས་ཅན་དོན་ནི་ཡོངས་རྟགས་པས།། དེ་ནས་རྟོག་པར་གསུངས་པ་སྟེ།། རྟོག་པ་ཡོངས་སུ་དག་ཕྱིར་རོ།། དེ་ནས་རྒྱུད་ཕྱི་མ་ལྟར་ཡིན་ཞེ་ན།། རྒྱུད་ནི་རྒྱུན་ཞེས་བྱ་བར་བཤད།།
265b6 ཕྱི་མ་ལྔ་མར་ཡང་དག་བྱུང་།། དེ་ཉིད་གསང་བའི་གསང་བ་དང་།། ཕྱི་མ་དང་བཅས་རྒྱུད་དུ་འདོད།། དེ་ལ་དང་པོ་གནས་ཞེས་བྱ་བའི་རྒྱུད་ཇི་ལྟར་ཡིན་ཞེ་ན།། ན་མཁའ་ཀུན་ལ་རབ
265b7 ཏུ་གནས།། རྡོ་རྗེ་ཀུན་གྱི་རང་བཞིན་མཆོག། བདེ་བ་ཆེན་པོ་དགའ་བ་ཆེའི།། གྲོང་ཁྱེར་དེ་ནི་མི་འགྱུར་མཆོག། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའི་རྟོག་པ་ཐམས
iiif viewer powered by OpenSeadragon
