| e-texts navigator |
| Wylie |
265a1 @། གྲུབ་དབང་ཕྱུག་རབ་གྲུབ་ཕྱིར།། རྟོག་པ་ཐམས་ཅད་ཀུན་བསྡུས་པའི།། དེ་ཉིད་སེམས་དཔའ་ཆེན་པོས་གསུངས།། རྣམ་རྟོག་མེད་པའི་ཆོས
265a2 རྣམ་ལ།། རྟོག་པའི་དོན་ནི་གང་བརྗོད་པ།། གང་གི་རྒྱུད་ནི་ཕྱི་མ་དང་།། དང་པོའི་གནས་མཆོག་ཇི་ལྟར་ལགས།། ཐོག་མ་ཐ་མ་མེད་ཉིད་དང་།། དེ་བཞིན་རྡོ་རྗེ་སེམས
265a3 དཔའ་ཉིད།། རབ་དགའ་ཉིད་དང་བཟང་པོ་ཉིད།། རྡོ་རྗེ་བསྙེམས་བདག་ཇི་ལྟར་ལགས།། སེམས་དང་སེམས་དཔའི་ཏིང་ངེ་འཛིན།། དེ་བཞིན་རྡོ་རྗེ་རྡོ་རྗེ་འཛིན།།
265a4 རྡོ་རྗེ་འཆང་ཆེན་ཉིད་དང་ནི།། བྱང་ཆུབ་སྤྱོད་པ་ཇི་ལྟར་ལགས།། བདུད་དང་བདུད་ལས་རྒྱལ་བ་ཉིད།། བྱང་ཆུབ་སངས་རྒྱས་ཇི་ལྟར་ལགས།། རྡོ་རྗེ་གཏམ་པ་མཐར
265a5 བྱེད་ཉིད།། ཕྱག་ན་རྡོ་རྗེ་ཇི་ལྟར་ལགས།། ཇི་ལྟར་དང་པོའི་རིགས་བྱུང་དང་།། འདོད་དང་ཐར་པ་ཇི་ལྟར་ལགས།། ཇི་ལྟར་མགོན་པོ་རྣམ་གསུམ་དང་།། ཁྱེད་ནི་ཇི་ལྟར་ཐམས
265a6 ཅད་ཉིད།། དང་པོའི་སྙིང་པོ་ཇི་ལྟར་བྱུང་།། དེ་ཅི་ཉེ་སྙིང་ཇི་ལྟར་ལགས།། བདེ་ཆེན་རྡོ་རྗེ་ཆེན་པོ་ཡི།། དོན་ཡོད་དམ་ཚིག་ཇི་ལྟར་ལགས།། དཀྱིལ་འཁོར་ཞེས་ནི་ཇི་ལྟར་གསུངས།།
265a7 དེ་ཡི་རྣམ་སྨིན་ཇི་ལྟ་བུ།། ཐིག་གདབ་པ་དང་བརྟག་པ་ཡི།། དངོས་གྲུབ་ཇི་ལྟར་གསུངས་པ་ལགས།། གསང་བ་ལྔ་ཡི་དེ་ཉིད་ཆེ།། ཇི་ལྟར་གྱུར་པ་ཇི་ལྟ་བུ།། དཀྱིལ་འཁོར
iiif viewer powered by OpenSeadragon
