| e-texts navigator |
| Wylie |
264b1 དུག་དང་། སྦྱར་དུག་དང་། གདོན་ལས་གྲོས་པ་དང་། གསོད་པ་དང་། འཐབ་མོ་ལས་རྣམ་པར་རྒྱལ་བ་དང་། ཕུན་སུམ་ཚོགས་པ་ཐམས་ཅད་ཐོབ་པ་ཡིན་ནོ།། ཞེས་བྱ་བ་བཅོམ་ལྡན་འདས
264b2 རྡོ་རྗེ་སེམས་དཔས་གསུང་སོ།། འདོད་ཆགས་ཆེན་པོ་རྣམ་དག་ཕྱིར། ཆགས་པ་ཆེན་པོས་རྣམ་དག་པས།། རྡོ་རྗེ་སེམས་དཔའ་ཆེན་པོ་ཡིས།། ཕྱག་རྒྱའི་རྟོག་པ་རབ་དུ་བརྟགས།། རྡོ་རྗེ
264b3 སློབ་དཔོན་སློབ་མ་མཆོག། དེ་ཉིད་དད་པའི་རྗེས་འབྲང་བ།། རྟོགས་པ་ཙམ་གྱི་སྐ་ཅིག་གིས།། དོན་ཡོད་ཀུན་གྲུབ་བདེ་བ་བརྩོལ། ཞེས་བྱའོ།། དཔལ་མཆོག་དང་པོ་ལས་མཆོག་ཏུ
264b4 གྲུབ་པ་ཞེས་བྱ་བའི་རྒྱུད་རྫོགས་སྷོ།། །། དེ་ནས་མཆོག་ཏུ་མཁས་ཤིང་ཕྲལ་ཟབ་ཅིང་རྒྱ་ཆེ་བབས་མི་གྱི་མི་ཁྱབ་པ་ཤིན་ཏུ་མཐའ་ཡས་འདས་པ་ཚད་མེད་ཅིང་གཞལ་དུ་མེད་པ།།
264b5 མ་ལུས་ཤིང་ལུས་པ་མེད་པའི་མཆོག་གི་དངོས་གྲུབ་ཆེན་པོ་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལུས་ཀྱི་ཚོགས་མཆོག་ཏུ་དམ་པ་གྲུབ་པ་ཞེས་བྱ་བ། རྡོ་རྗེ་གར་ལས་བྱུང
264b6 བའི་ལས་ཀྱི་ཚོགས་ཐམས་ཅད་ཀྱི་ཕྱག་རྒྱ་བཤད་པར་བྱའོ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་གསུང་སོ། ཕྱག་རྒྱ་ཆེན་པོ་མཉམ་བཞག་ནས། སྒེག་བཅས་འཛུམ་སོགས
264b7 དཀྱིལ་བ་ཡིས།། ལས་ཀྱི་ཕྱག་ཆེན་པོ་ཡི། ཐམས་ཅད་གར་གྱིས་བསྒྲུབ་པར་བྱ། བདེ་བ་ཆེན་པོ་རྡོ་རྗེ་གསང་བའི་ལྕགས་ཀྱུར་འཁྱུད་པར་དུ་ལས་ཀྱི་ཕྱག་རྒྱ་བཅིངས་ཏེ། བརྒྱ་ཕྲག་དང་པོ།
264b8 མཆོག་ཏུ་བསྒྲུབ་པ་སྟེ། རྡོ་རྗེ་དམ་ཚིག་གི་ལྷ་མོ་རྣམས་ཀྱི་ཕྱག་རྒྱའོ།། རྡོ་རྗེ་བསྡམས་པ་བཅིངས་ནས་ནི།། ཁ་སྦྱོར་ནང་དུ་གསལ་བ་སྟེ།། མཆོག་དང་པོའི་གསང་ཆེན་གྱིས། ལས་ཀྱི་ཕྱག་རྒྱ་ཆེ
iiif viewer powered by OpenSeadragon
