| e-texts navigator |
| Wylie |
263b1 འཇིག་རྟེན་ལས་འདས་པའི་བླན་མེད་པའི་འདོད་པ་ཐམས་ཅད་ཀྱི་བདེ་བ་ཆེན་པོ་ཤིན་དུ་མཐའ་ཡས་པའོ།། བསྐོར་བཅིང་བས་ཇི་སྲིང་ལོའི་བར་དུ་འདུས་པ་དང་བྲལ་བས་ཡང་ངོ་།། རྟགས
263b2 ཀྱི་སེན་མོས་གཡོན་གྱི་འཐིལ་བྲུད་པས་ཤིན་དུ་བརྟན་པའི་འདོད་པ་ལ་ཆགས་པ་ཉིད་འགྱུར་ཏེ། གཞན་མི་འདོད་པ་དང་མི་ལྟ་ཞིང་གཞན་ལ་མི་འགྲོ་བར་ཤིན་དུ་བདེ་དེ་ཡིད་བདེ་བ་སྟེར་བའི
263b3 བུད་མེད་ཐམས་ཅད་གྲུབ་པར་འགྱུར་རོ།། སྐྱེ་གནས་ཀྱི་སེན་མོ་བྲུད་པས་སྐྱེས་བུ་རྣམས་སོ།། དེ་ནས་ཐམས་ཅད་ཀྱི་བདག་ཉིད་གསང་བའི་ཕྱག་རྒྱ་བཅུ་སྟེ། དེ་ལ་ལུས་ཐམས་ཅད་ཀྱི
263b4 ཕྱག་རྒྱ་ནི།། རྡོ་རྗེ་ཁུ་ཚུར་གཉིས་ཀྱིས་འཁྱུད་ལ་མཆུ་སོ་རྣམས་ཀྱི་བཟུང་ཏེ། རྨོངས་པས་བདེ་བ་སྟེང་དུ་བསྒྲུབ་པས་རབ་དུ་དགའ་བའི་དངོས་གྲུབ་ཀྱིས་རྡོ་རྗེ་སེམས་དཔའ་ཤིན་དུ
263b5 འགྲུབ་པར་འགྱུར་རོ།། མཆོག་དང་པོའི་དངོས་གྲུབ་ཀྱིས། སུ་ར་ཏི་སྟོ།། ཞེས་བཅོམ་ལྡན་འདས་ལ་བརྗོད་ཅིང་དེ་ཁོ་ན་ཉིད་བསྐུལ་བ་འགྲུབ་པར་འགྱུར་རོ།། རབ་དུ་དགའ་བའི་ཡེ་ཤེས
263b6 ཐམས་ཅད་བསྒྲུབ་པའོ།། ལག་པ་གཡོན་པའི་གསང་བའི་ཁུ་ཚུར་ཀ་བ་ན་ཐམས་ཅད་བསྒྲུབ་པའོ།། བདེ་བ་ཆེན་པོ་རྡོ་རྗེ་ལས་བྱུང་བའི་རྡོ་རྗེ་ཆེན་པོའི་ལྟབས་ཐམས་ཅད་གྲུབ་པའོ།། སྨིན
263b7 མགྱེན་དུ་བཏེག་པས་ལྟུང་བ་སྤོང་བའོ།། རང་གི་མ་མཆུ་ནང་དུ་མྱང་བས་བསྐལ་པ་བཟང་པོ་ཆེན་པོ་གྲུབ་པའོ།། རང་གི་སྐྱེ་བསྐྱོད་པས་རང་ཉིད་ཀྱི་བདེན་པ་ཐམས་ཅད་དང་། དེ་ཁོ་ན་ཅི།
iiif viewer powered by OpenSeadragon
