| e-texts navigator |
| Wylie |
261a1 རྒྱལ་བ་དང་། གསོད་པའོ།། རྡོ་རྗེ་འདོད་པའི་དབང་ཕྱུག་མས་ཡོངས་སུ་དགོད་ཅིང་ཕྲེང་བ་དོར་བའི་ཕྱག་རྒྱས་རྒྱས་བཏབ་པ་ཙམ་གྱིས་དབང་བསྐུར་བ་ཐོབ་བོ།།
261a2 མཆོག་བསང་བའི་རས་རིས་ཀྱི་ཕྱག་རྒྱ་ཇི་ལྟ་བ་བཞིན་དུ་བརྗོད་པར་བརྗོད་པར་བྱའོ།། བདེ་བ་ཆེན་པོ་དོན་ཡོད་པའི་དམ་ཚིག་གི་མཆོད་པས་རབ་དུ་དགའ་བ་མ་ལ་སོགས་པའི་མཆོད་པ
261a3 ཐམས་ཅད་ཐོབ་པ་མི་ཟད་པའོ།། རྡོ་རྗེ་བསྟོད་པའི་ཕྱག་རྒྱས་སྲིད་པ་གསུམ་པོ་ཐམས་ཅད་བསྐྱོད་པ་དང་། རབ་དུ་འབྱེད་པའོ།། རྡོ་རྗེ་ཧཱུཾ་མཛད་ཀྱི་ཕྱག་རྒྱ་དང་རྐང་པས་ལྷའི་གཟུགས
261a4 བརྙན་མནན་ཅིང་རྒྱས་བཏབ་ནས་སྡིག་འཛུབ་བྱས་ཏེ། ལྷ་ལ་སོགས་པའི་སེམས་ཅན་དེ་དང་དེ་རིང་པོ་མི་ཐོགས་པར་རྒྱས་བཏབ་པས་བཀའ་བསྒོ་བ་ཐམས་ཅད་དང་ལས་རྣམས་བྱེད་པར
261a5 འགྱུར་རོ།། སྟན་མཐོན་པོ་ལ་དཀྱིལ་མོ་དཀྲུང་བྱེད་པས་གདུག་སྟེ། རྐང་པ་གཡོན་པས་རྡོ་རྗེ་སེམས་དཔའི་གཟུགས་བརྙན་ཡང་མནན་ནས་རྡོ་རྗེ་གསོར་ཞིང་རྡོ་རྗེ་སེམས་དཔའ་ཡང་མནན
261a6 ནས་དངོས་གྲུབ་དུ་འོང་བ་ཐམས་ཅད་དང་། ཕུན་སུམ་ཚོགས་པ་རྣམས་ཉམས་སུ་མྱོང་ན་ལྷ་ལ་སོགས་པའི་སེམས་ཅན་རྣམས་སྤོས་ཀྱང་ཅི་དགོས།། གཡོན་པའི་རྡོ་རྗེ་ཁུ་ཚུར་གྱིས་རང་གི།
261a7 རྟགས་བཟུང་ནས། གཡས་པས་རྡོ་རྗེ་ལ་སོགས་པའི་བསྟོད་པའི་ཚུལ་གྱིས་འཛིན་ཅིང་ཡིད་ལ་འདོད་པའི་ལྷའི་བུ་མོ་ཐམས་ཅད་ལ་རྒྱས་འདེབས་ཅིང་སྟོབས་ཀྱི་རོལ་བར་བྱེད་པ་འམ།
iiif viewer powered by OpenSeadragon
