| e-texts navigator |
| Wylie |
137a1 འགྱུར་རོ།། ཐོ་རངས་ཀ་དེ་བཞིན་གཤེགས་པ་ཉིད་དམ་བྱང་ཆུབ་སེམས་དཔའ་སེམས་དཔའ་ཆེན་པོ་ཉིད་ཐོབ་པར་འགྱུར་རོ།།
137a2 དེ་ནས་རྡོ་རྗེ་འཛིན་པ་ཆེན་པོ་བསྒྲུབ་པར་འདོད་ན་ལུགས་མ་འམ་རྐོ་ས་མ་འམ་རས་ལ་བྲི་བར་བྱའོ།། ཕྱག་ན་རྡོ་རྗེའི་སྐུ་གཟུགས་ཀྱི་དཀྱིལ་འཁོར་བཞིན་དུ་སྔ་མ་ལྟར་བསྒྲུབ་པ་འམ།
137a3 སྐུ་གཟུགས་ཀྱི་ཁྱད་པར་ཇི་ལྟར་ཐོབ་པ་སེམས་ཅན་གྱི་སྒྲུབ་པར་གསུངས་སོ།། ཟླ་བ་དྲུག་གིས་རྡོ་རྗེ་འཆང་ཆེན་པོ་འགྲུབ་པར་འགྱུར་རོ།། དེ་ནས་རྡོ་རྗེ་འཆང་ཆེན་པོ་དགུག་པ་ནི། བདེ་བ
137a4 ཆེན་པོ་རྡོ་རྗེ་གསང་བའི་ལྕགས་ཀྱུ་ཡིས་གྲངས་ནས་བསྒྲུབ་པར་བྱའོ།། ཇི་ལྟར་འདོད་ན་ཟླ་ཕྱེད་ན་འགྲུབ་པར་འགྱུར་རོ།། དེ་ནས་རང་གི་ཕྱག་རྒྱས་བསྒྲུབ་པར་བྱེད་ན། ཕྱག་རྒྱ
137a5 ཆེན་པོ་བཅིངས་ལ་བདག་ཉིད་རྡོ་རྗེ་སེམས་དཔའ་ཡིན་ནོ་ཞེས་བསྒོམ་ཞིང་བསྒོམས་པས་བསྒྲུབ་པར་བྱའོ།། ཇི་ལྟར་འདོད་པས་ཟས་ལ་བདག་ཉིད་བསྒྲུབ་པར་བྱའོ།། ཡང་བསྒོམ་ཞིང
137a6 བསྒོམས་པས་བཟླས་པ་བྱ་སྟེ། ཇི་སྲིད་ཀྱིས་ཟླ་བ་ཕྱེད་ཀྱིས་རྡོ་རྗེ་འཆང་ཉིད་གྲུབ་པར་འགྱུར་རོ།། དེ་ནས་འདོད་པ་ཐམས་ཅད་ཀྱི་དབང་ཕྱུག་བསྒྲུབ་པར་འདོད་ན།། དེ་བཞིན་དུ་སྐུ
137a7 གཟུགས་མདུན་དུ་བཞག་ལ། ལྷ་མོ་དང་བཅས་པས་ཞུགས་ལ་ཕྱག་རྒྱས་བཅིངས་ལ་དེ་སྲིད་ཀྱི་བར་དུ་བཟླས་པས། དེ་སྲིད་དུ་མི་སྣང་བར་འགྱུར་བ་དང་། འདོད་པའི་དབང
iiif viewer powered by OpenSeadragon
