| e-texts navigator |
| Wylie |
134b1 ཀུན་མཆོག་དམ་ཚིག་དངོས་གྲུབ་སྟེ།། རྡོ་རྗེ་སེམས་དཔའ་དེང་གྲུབ་མཛོད།། དེ་ནས་བཅོམ་ལྡན་འདས་རྡོ་རྗེ་འཛིན་པས་བྱིན་གྱིས་བརླབས་པར་མཛད་པས། སྔོན་ཆད་མ་བྱུང་བ་གཉིས
134b2 ཀ་སོ་སོར་བདེ་བར་ཉམས་སུ་མྱོང་ཞིང་ཤེས་པ་སྐྱེ་བར་འགྱུར་རོ།། ཕྲ་མོ་དབབ་པར་ཡང་འགྱུར་རོ།། དེ་ནས་བདག་ལ་བཅོམ་ལྡན་འདས་གྲུབ་པར་འགྱུར་རོ།། ཞེས་ཤེས་པར་བྱའོ།།
134b3 དེ་ནས་དེ་བཞིན་དུ་འདུལ་བ་ཅི་འདོད་པའི་བཟླས་པ་བརྗོད་པར་བྱའོ།། དེ་ནས་དེ་བཞིན་དུ་འདུག་པ་ལ་རང་གི་བསོད་ནམས་ཀྱི་བྱིན་གྱིས་བརླབས་ཀྱིས་འདོད་པའི་དངོས་གྲུབ་རྣམས་ཐོབ
134b4 པར་འགྱུར་རོ།། དེ་ནས་བརྩམས་ཏེ་སེམས་དཔའ་ཆེན་པོ་ཐམས་ཅད་འགྲུབ་པར་འགྱུར་རོ།། དངོས་གྲུབ་ཐམས་ཅད་བརྩོལ་བར་མཛད་དོ།། ཕྱག་རྒྱ་ཐམས་ཅད་བདག་ཉིད་ཀྱིས
134b5 བཅིངས་ནས་བསྒྲུབས་ནས་ལས་རྣམས་འགྲུབ་པར་འགྱུར་རོ།། དམ་ཚིག་ཐམས་ཅད་བརྟན་པར་འགྱུར་རོ།། ལས་ཐམས་ཅད་བསམ་པ་ཙམ་གྱིས་བྱེད་པར་འགྱུར་རོ།། བདེ
134b6 བ་དང་ཡིད་བདེ་བ་ཐམས་ཅད་ལ་བར་ཆད་མེད་པ་དང་། གནོད་པ་མེད་པར་འགྱུར་རོ།། ལོ་གཅིག་བསྒྲུབས་པས་ཡིད་ལ་འདོད་པའི་མཆོག་གི་དངོས་གྲུབ་སངས་རྒྱས་ཉིད་ལ་སོགས
134b7 པ་ཐོབ་པར་འགྱུར་རོ།། དེ་ནས་སེམས་ཅན་ཐམས་ཅད་བཞུག་པའི་དོན་དུ་དེ་བཞིན་དུ་རྡོ་རྗེ་སེམས་དཔའ་རྒྱན་གྱིས་བརྒྱན་ནས་རབ་ཏུ་བདེ་བའི་རྡོ་རྗེའི་དམ་ཚིག་གི་རྒྱས་འཇུག
iiif viewer powered by OpenSeadragon
