| e-texts navigator |
| Wylie |
18b1 བྱ་བའི་བྱེ་བྲག་སྨྲས།། རྡོ་རྗེ་སེམས་དཔས་ཀྱང་མི་འགྲུབ།། གང་གི་མདུན་དུ་སྔགས་པ་ཡིས།། དེ་ཕྱིར་ལས་རྣམས་མཐོང་མི་བྱ།། གཞན་དང་ལྷན་ཅིག
18b2 ཏུ་མི་བྱ། གལ་ཏེ་སྔགས་པས་ལས་བྱ་འདོད། དེ་དག་གཅིག་པུ་ཞིག་གིས་བྱ།། སྔགས་པ་དེ་ཡིས་ལས་ཀུན་བྱེད།།
18b3 འདི་ནི་འཇམ་དཔལ་མཆོག་དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས་སྦྱིན་བསྲེག་ལས་ཀྱི་ཆོ་ག་རྒྱ་ཆེ་བའི་རྟོག་པ་སྟེ་དྲུག་པའོ།།
18b4 ། དེ་ནས་བསམ་གཏན་ལས་ཀྱི་ཆོ་ག་ཇི་ལྟ་བ་ཡང་དག་པར་གསུངས་ཏེ། བསམ་གཏན་ཙམ་གྱི་སྦྱོར་བས་དགོས་པ་ཐམས་ཅད་རབ
18b5 ཏུ་བསྒྲུབ་པར་བྱ་སྟེ། དེའི་ཆོ་ག་ནི་དང་པོ་རེ་ཤིག་རྣལ་འབྱོར་པ་མ་ཧེའི་གདོང་པའི་སྦྱོར་བ་ལ་གནས་ལ་སྔོན་དུ་བསྙེན་པ་བྱས་པས་ཐམས་ཅད་བྱའོ།། རམ་ལས
18b6 ཡོངས་སུ་གྱུར་པའི་མེའི་དཀྱིལ་འཁོར་ཀུན་ཏུ་གསལ་བར་འབར་བར་རྣམ་པར་བསམས་ལ། དེའི་སྟེང་དུ་སྒྲུབ་བྱ་གཅེར་བུ་སྐྲ་བཤིག་པ་བྱེད་པར་གྱུར་པ་བདག་གི
18b7 མདུན་དུ་རྣམ་པར་བསམ་མོ།། དེ་ལྟ་བས་ན་རང་གི་ལུས་ལ་ཁྲོ་བོའི་གཟུགས་མང་པོ་རྣམ་པར་སྤྲོས་ཏེ། ཁྲོ་བོ་དེ་རྣམས་ཀྱིས་རལ་གྲི་བརྒྱབ་ཅིང་ཁྲག་འཐུང་བར་བསམ
18b8 པར་བྱའོ།། སྒྲུབ་བྱ་དེའི་ཤ་ཟ་བ་དང་། རྒྱུས་དྲངས་པར་བསམ་པར་བྱའོ།། འདི་སྐད་སྨྲས་ཏེ། དཀོན་མཆོག་གསུམ་ལ་གནོད་པར་བྱེད་པ་དང་། བླ་མ་ལ་སྐུར
iiif viewer powered by OpenSeadragon
