| e-texts navigator |
| Wylie |
18a1 ངོ་འཇིག་པར་འདོད་ན། བྱ་རོག་ཤ་མ་འདྲེས་པར་གང་གི་མིང་དང་བཅས་པར་སྦྱིན་བསྲེག་སྟོང་བྱས་ན། ཉི་མ་བདུན་གྱིས་རྡོ་རྗེ
18a2 འཛིན་པ་ལྟ་བུ་ཡང་རབ་ཏུ་འབྲོས་ན་ཕྲ་མོ་གཞན་ལྟ་ཅི་སྨོས། དེ་ནས་བྱ་རོག་གི་ཆང་དང་། འབྲས་ཀྱི་ཕུབ་མ་དང་ལྷན་ཅིག་ཏུ་དྷ་དུ་རའི་ཤིང་ལ་མེ་རབ་ཏུ་སྦར་ཏེ། ཡི་གེ་བཅུ
18a3 པའི་སྔགས་གང་གི་མིང་དང་བཅས་པར་ནམ་ཕྱེད་ནས་སྦྱིན་བསྲེག་བྱས་ན་ཉི་མ་བདུན་གྱིས་སྐྲོད་པར་འགྱུར་རོ།། དེ་ནས་དབང་དུ་བྱ་བར་འདོད་ན། སེང་ལྡེང་གི་མེ་ལ།
18a4 ཏིལ་དང་། འབྲས་དང་། བུད་མེད་ཀྱི་མེ་ཏོག་དང་ལྷན་ཅིག་ཏུ་རྡོ་རྗེའི་ཆུ་དང་བསྲེས་ཏེ། རྣལ་འབྱོར་གྱི་གཟུགས་དམར་པོར་དམིགས་ནས་ཁ་ནུབ་ཏུ་བལྟས་ཏེ། ཡི་གེ
18a5 བཅུ་པའི་སྔགས་གང་གི་མིང་དང་བཅས་པ་སྔགས་པས་བསྲེན་ཉི་མ་བདུན་གྱིས་དབང་དུ་འདས་ཏེ། ཇི་སྲིད་འཚོའི་བར་དུ་མི་འབྲལ་ལོ།། དེ་ནས་དགག་པར་འདོད
18a6 ན། བདུད་རྩི་ལྔ་དང་བཅས་པར་སེང་ལྡེང་གི་མེ་ལ་གང་གི་མིང་དང་བཅས་པར་སྦྱིན་བསྲེག་བརྒྱ་རྩ་བརྒྱད་བྱས་ན། དེ་སྐ་ཅིག་གིས་འོང་བར་འགྱུར་རོ།། ལས་འདི
18a7 རྣམས་ནི་སྔོན་དུ་བསྙེན་པ་བྱས་པའི་སྔགས་པས་བྱའོ།། གཞན་པས་བྱས་ནི་སྔགས་པ་ལ་འཇིག་རྟེན་པས་བཅས་པར་འགྱུར་རོ།། ཇི་ལྟར་བྱེ་བྲག་མི་བྱ་སྟེ།
18a8 གང་ལ་བྱེ་བྲག་སྦྱིན་མི་བྱ།། བྱེ་བྲག་ཕྱེ་ན་སྔགས་པས་དངོས་གྲུབ་མི་འགྲུབ་བོ།། རྒྱུད་གཞན་ལས་ཀྱང་གསུངས་ཏེ།། ཇི་ལྟར་བྱེ་བྲག་མ་སྐྱེས་པ།། དེ་བཞིན
iiif viewer powered by OpenSeadragon
