| e-texts navigator |
| Wylie |
16a1 རྡོ་འཇིག། འགྱུར་རོ།། དེ་ནས་གྲོང་བསྐྲད་པར་འདོད་ན། ནིམ་པའི་ཤིང་ལ་མེ་རབ་ཏུ་སྦར་ལ། ཁྱིའི་ཤ་དང་། རྔ་མེའི་རྟག་པ་དང
16a2 བྱི་བཱའི་ཁྲག་གིས་ལྷན་ཅིག་ཏུ་སྨྲས་ལ། གཤིན་རྗེའི་སྦྱོར་བ་ལ་གནས་པས། གྲོང་གི་མིང་དང་བཅས་པར་ཡི་གེ་བཅུ་པའི་སྔགས་ཀྱིས་རླུང་གི་དཀྱིལ་འཁོར་གྱི་དབུས
16a3 སུ་སྦྱིན་བསྲེག་སྟོང་ཕྲག་བཅུ་བྱས་ན་གྲོང་བསྐྱོད་པར་འགྱུར་རོ།། ལས་དེ་རྣམས་ནི་ཤིན་དུ་མཉམ་པར་བཞག་པས་བྱ་བ་འམ། ཡང་ན་སྔགས་པ་ཉིད་ཀྱིས་ཀྱང་ལཱ
16a4 དེ་དག་མི་བྱའོ།། གཞན་གང་ལ་ཡང་མི་བསྟན་ནོ།། དེ་ནས་བུ་མོ་རེངས་པར་འདོད་ན། ཆེར་མ་དང་། དུག་དང་། སྐྱེ་ཆེ་དང་བཅས་པར་རང་གི་ཁྲག་གིས་སྦྲུས
16a5 ནས་ཡི་གེ་བཅུ་པའི་སྔགས་དང་བཅས་པ་བུ་མོ་རེངས་པར་གྱུར་ཅིག་ཅེས་དུར་ཁྲོད་ཀྱི་མེ་ལ་སྦྱིན་བསྲེག་སྟོང་བྱས་ན་རེངས་པ་ལས་གཞན་མིན་ནོ།། དེ་ནས་ཞི་བར་འདོད
16a6 ན། མར་དང་། སྦྲང་རྩི་དང་། འོ་མ་དང་། དུར་བ་དང་བཅས་པར་པ་ལ་ཤའི་ཤིང་ལ་མཽ་རབ་ཏུ་སྦར་ལ། ཞི་བར་འདོད་པ་དམིགས་ནས་ཡུལ་གྱི་ཤར་ཕྱོགས་སུ
16a7 ཁ་བལྟས་ཏེ་གནས་པས་དུས་གསུམ་དུ་སྦྱིན་བསྲེག་བརྒྱ་རྩ་བརྒྱད་བྱས་ན་དེས་ཡུལ་ཞི་བར་བྱས་པར་འགྱུར་རོ།། དེ་ནས་རྒྱས་པར་འདོད་ན། ཏིལ་དང་། འབྲས་དང་།
16a8 ནས་དང་། མར་དང་བཅས་པ་ཨུ་དུམ་བ་རའི་ཤིང་ལ་མེ་རབ་ཏུ་སྦར་ནས། ལས་ཀྱི་རྗེས་སུ་འབྲེལ་བའི་ལྷའི་སྦྱོར་བ་ལ་དམིགས་ཏེ། ཁ་བྱང་དུ་བལྟས་ནས་མཉམ
iiif viewer powered by OpenSeadragon
