| e-texts navigator |
| Wylie |
13a1 ཅད་ལ་བདག་མེད་པར་སྔོན་དུ་སོང་བས་ལྷའི་དམིགས་པ་བྱ་སྟེ། དང་པོར་རང་བཞིན་དག་པའི་སྔགས་བརྗོད་པར་བྱའོ།། ཆོས
13a2 ཐམས་ཅད་བདག་མེད་པའི་ངོ་བོར་བྱས་ནས། ནམ་མཁའི་དཀྱིལ་དུ་ཡཾ་གི་རྣམ་པ་ལས་གྲུབ་པའི་ཀླུང་གིས་དཀྱིལ་འཁོར་མདོག་དུ་བའི་རྣམ་པར་བསམ་མོ།། དེའི་སྟེང་དུ
13a3 དང་པོའི་དབྱངས་ཡིག་ལས་གྱུར་པའི་ཟླ་བའི་དཀྱིལ་འཁོར་དམིགས་ཏེ། དེའི་སྟེང་དུ་དྷིཿའི་རྣམ་པ་ལས་འཇམ་དཔལ་གཞོན་ནུའི་གཟུགས་སུ་གྱུར་པར་བྱའོ།། དེའི་སྙིང་ཁར
13a4 ཨའི་རྣམ་པ་ལས་གྲུབ་པའི་ཉི་མའི་དཀྱིལ་འཁོར་བསམས་སྟེ། ཉི་མའི་དཀྱིལ་འཁོར་དེ་ལས་འོད་འཕྲོས་པས།། ཕྱོགས་བཅུ་མཐའ་ཡས་མུ་མེད་པ་ན་བཞུགས་པའི་དེ
13a5 བཞིན་གཤེགས་པ་རྣམས་དང་། བྱང་ཆུབ་སེམས་དཔའ་དང་། རིག་པའི་ལྷ་མོ་དང་། ཁྲོ་བོ་ལ་སོགས་པ་ཤིན་དུ་བསྐུལ་ཏེ། ཡང་འོངས་ནས་ཉི་མའི་དཀྱིལ་འཁོར་ལ
13a6 ཞུགས་པར་བསམ་མོ།། དེ་ཡི་འཇམ་དཔལ་དང་དེ་བཞིན་གཤེགས་པ་ལ་སོགས་པ་དེ་རྣམས་གཅིག་ཏུ་གྱུར་ནས་ཉི་མའི་དཀྱིལ་འཁོར་དུ་བསམ་པར་བྱའོ།། འོད་ཟེར་འབར
13a7 བའི་རྣམ་པས་དཔག་ཚད་སྟོང་ཕྲག་བརྒྱ་ཁྱབ་པར་བསམ་པར་བྱའོ།། དེའི་སྟེང་དུ་ཧཱུཾ་ནག་པོའི་འོད་ཟེར་ལྔ་དང་ཡང་དག་པར་ལྡན་པར་བསམ།། ཧཱུཾ་དེ་ལས་འོད་ཟེར་གྱི་རྣམ
13a8 པར་འཕྲོས་པས་དེ་ལ་ཡང་ཞུགས་ཏེ། ཡི་གེ་དེ་ལས་རྡོ་རྗེ་ཆེན་པོ་རྣམ་པར་གདེངས་པ་ཁ་དོག་ནག་པོ་འོད་ཟེར་ལྔ་དང་ལྡན་པ་རྣམ་པར་དམིགས་པར་བྱ་སྟེ། རྡོ་རྗེ་དེ་ལས
iiif viewer powered by OpenSeadragon
