| e-texts navigator |
| Wylie |
302a1 ། ཉིད་རྟོགས་པའི་རྣལ་འབྱོར་པའི།། བསམ་གཏན་སྦྱོར་བ་འདི་ཡིས་ནི།། སེམས་ཀྱི་རིན་ཆེན་བརྟན་པར་འགྱུར།། སངས་རྒྱས་བྱང་ཆུབ་རབ་ཞུགས་པ།། བྱིན་གྱིས
302a2 བརླབ་པའང་མཛད་པར་འགྱུར།། དེ་ལྟར་གྱུར་པས་ཞུགས་ནས་ཀྱང་།། ཇི་སྲིད་སེམས་ནི་མི་སྐྱོ་བར།། མཉམ་བཞག་ཡིད་ནི་བཟང་པོ་དང་།། དེ་ལས་འབད་པས་བསྒོམ་པར་བྱ།། དེ་འོག
302a3 ལ་ནི་ཅི་དགའ་བའི།། སྤྱད་པ་ཡིས་ནི་གཅིག་ན།། ཅུང་ཟད་སྤྱན་ཕྱེ་བའི་མཚན།། བྱང་ཆུབ་རྒྱ་ཆེན་ཐོབ་པར་འགྱུར།། རྒོད་དམ་སྨྲ་འམ་འགུག་པ་འམ།། ལ་ལར་རང་དུ་གར་བྱེད་པར།
302a4 ཇི་སྲིད་སྐྱོ་བར་མི་འགྱུར་བར།། སྒོམ་པའི་སེམས་ལ་ཞེན་པར་བྱ།། དེ་ལྟའི་དམ་ཚིག་ལྡན་གྱུར་ཅིང་།། རྣམ་པར་མི་རྟོག་སྔགས་པ་ཡིས།། དུས་ཀྱི་ངེས་པས་ཡོངས་སྤངས་ནས།།
302a5 བླ་མེད་བྱང་ཆུབ་ཐོབ་པར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས།། ཤེས་བྱེད་ཀུན་དུ་སྤྱོད་པའི་ལེའུ་སྟེ།། །། བཅུ་དྲུག་པའོ།། །། དེ་ནས་མཁའ་འགྲོ།
302a6 དེ་དག་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་རྡོ་རྗེ་འཛིན་ལ་ཚིགས་སུ་བཅད་པས་བསྟོད་པ།། སངས་རྒྱས་ཀུན་གྱིས་རང་བཞིན་ལས།། བྱུང་བའི་ལྷ་སྟེ་ཁྱོད་མཆོད་པ།།
302a7 སེམས་དཔའ་ཀུན་གྱི་ཕྱག་ཆེ།། མཁའ་འགྲོ་ཆེན་པོ་ཕྱག་འཚལ་ལོ།། གཏི་མུག་ཐམས་ཅད་འོད་གསལ་བ།། མཁའ་འགྲོ་སངས་རྒྱས་ཆེན་པོ་སྟེ།། གཟུགས་སྣང་ཆོས་ནི་རྣམ
302a8 དག་པ།། བདེ་གཤེགས་མཁའ་འགྲོ་ཁྱོད་ཕྱག་འཚལ།། ང་རྒྱལ་ཐམས་ཅད་འོད་གསལ་བ།། མཁའ་འགྲོ་རེ་འདོད་བསྐོང་བ་སྟེ།། སིམ་སོགས་ཆོས་ནི་རྣམ་དག་པ།། རིན་ཆེན
iiif viewer powered by OpenSeadragon
