| e-texts navigator |
| Wylie |
281b1 བུ་མོ་གཟུགས་བཟང་ལང་མཆོས་བརྒྱན།། དབང་ཐོབ་ལུས་རྒྱས་ཐོབ་པ་མོ།། གཡོན་མ་རྒྱན་གྱིས་རབ་བརྒྱན་ཏེ།། དེ་ཡི་འཁོར་ལོས་བསྲུང་བ་བྱ།། དེ་ལ་མར་མེ་བརྒྱ་སོགས་པའི།།
281b2 མཆོད་པ་ཕུལ་ནས་བསྟོད་བྱས་ཏེ།། གཤང་ལྕི་ཁུ་བ་ཁྲག་རྣམས་ནི།། དུང་ཆེན་ཕོར་དུ་བཞག་བྱས་ཏེ།། ལྷ་རྣམས་ལ་ནི་དབུལ་བར་བྱ།། དེ་ནས་མཁའ་འགྲེ་གྲོང་མཆོག་ཏུ།།
281b3 སློབ་མ་རྣམས་ནི་བཞག་བྱ་སྟེ།། རྡོ་རྗེ་ཡེ་ཤེས་རབ་ཐོབ་པའི།། དེ་བཞིན་གཤེགས་པ་ཐམས་ཅད་ཀྱི།། ཕོ་བྲང་དཀྱིལ་འཁོར་དམ་པ་འདིར།། བདག་གིས་སློབ་མ་གཞུག་པར
281b4 བྱཿདེ་ནས་སློབ་མ་དེ་ཡིས་ཀྱང་།། མེ་ཏོག་སྔགས་འདིས་གཏོར་བའོ།། པྲ་ཏི་ཙ་བཛྲ་ཧོཿཞེས་བྱ་བ། དེ་ནས་ཚིག་འདིས་གདོང་གཡོགས་བཀྲོལ།། དེ་རིང་དད་པའི་ཤུགས་ཀྱིས
281b5 ནིཿདཀྱིལ་འཁོར་དེང་འདིར་བལྟ་བར་བྱ།། སངས་རྒྱས་རིགས་སུ་ཁྱོད་སྐྱེས་སོ།། སྔགས་དང་ཕྱག་རྒྱས་ཁྱོད་བྱིན་བརླབས།། དངོས་གྲུབ་ཐམས་ཅད་ཕུན་སུམ་ཚོགས།། དམ་ཚིག
281b6 མཆོག་ཏུ་འགྲུབ་པར་བྱེད།། རྡོ་རྗེ་པད་མོ་རོལ་པའི་ཆོ་ག། སྔགས་ཀྱི་བདག་ཉིད་ཤེས་པར་བྱ།། བ་ཤ་བཛྲ། གང་དག་མེ་ཏོག་གསང་བ་སྟེ།། དེ་དེ་དེ་ཡི་ལྷ་ཡང་དེ།། དེ་ཡི་སྦྱོར་བ
281b7 རབ་སྦྱིན་ཏེ།། དེ་ཡི་ནན་ཏན་དུ་བསྒྲུབ་པོ།། དུང་ཆེན་བདུད་རྩི་ལྔ་བླུད་དེ།། དམྱལ་བའི་ཆུ་འདི་ཁྱོད་ལ་ནི།། དམ་ཚིག་འདས་ན་བསྲེག་པར་བྱེད།། དམ་ཚིག་བསྲུངས་ན་དངོས་གྲུབ་ཡི།།
281b8 འཐུང་ཤིག་རྡོ་རྗེ་བདུད་རྩིའི་ཆུ།། བཛྲ་ཨུཏྨ་ཀ་ཥ་ཋ། དེ་ནས་སངས་རྒྱས་ཐམས་ཅད་ཀྱི།། དམ་ཚིག་དང་ནི་སྡོམ་པ་རྣམས།། བླ་མས་སློབ་མ་སྡིག་བྲལ་བ།། ཅི་ལྟ་བ་བཞིན་སྐྲག་པ
iiif viewer powered by OpenSeadragon
