| e-texts navigator |
| Wylie |
270a1 ལགས། བཅོམ་ལྡན་འདས་ཀྱིས་བཀའ་སྩལ་པ།། ཆགས་པ་མེད་པའི་མཐའ་རྟོགས་པ་མེད་པར་དཀའ་བཞིད། འགག་པ་མེད་པའི་སྐྱེ་བ་མེད་པ
270a2 དེའི་རྐྱེན་གྱིས་མ་རིག་པ་སྟེ།། མ་རིག་པའི་ཞེས་བྱ་བ་དང་། སྣང་བ་ཉེ་བར་ཐོབ་པ་དང་།། སྟོང་པ་ཆེན་པོའོ།། དེ་ཡང་རྟོགས་པར་དཀའ་བའོ།། འོན་ཀྱང་སྣང་བ་དང་བཅས
270a3 པས་བརྗོད་པར་བྱའོ།། མ་རིག་པའི་རྐྱེན་གྱིས་སེམས་ལས་བྱུང་བ་སྟེ།། དེ་སྣང་བ་ཆེད་པ་དང་།། ཤིན་ཏུ་སྟོང་པ་ཞེས་གསུངསོ།། སེམས་ལས་བྱུང་བའི་རྐྱེན་གྱིས
270a4 སེམས་ཏེ། དེ་ནི་སྣང་བ་དང་སྟོང་པ་སྟེ། སེམས་དང་སེམས་ལས་བྱུང་བའོ།། བདག་དང་མ་རིག་པ་ཞེས་བྱ་བ་དང་། བདག་མེད་པ་གསུམ་པོ་དེ་དང་དེ་འོད་གསལ་བ
270a5 ལས་བྱུང་བས་རྡོ་རྗེའི་ངོ་བོའོ།། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་དེ་དག་དེའི་ཚེ་ངོ་མཚར་ཐོབ་པར་གྱུར་ཏེ། ཅང་མི་སྨྲ་བར་གྱུར་ཏོ།། དེ་ནས
270a6 བཅོམ་ལྡན་འདས་དེ་བཞིན་གཤེགས་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེས་བྱང་ཆུབ་སེམས་དཔའ་ཆེན་པོ་དེ་རྣམས་ཅད་མི་སྨྲ་བར་འདུག་པ
270a7 གཟིགས་ནས་བཀའ་སྩལ་པ། རིགས་ཀྱི་བུ་ཅིའི་ཕྱིར་ཅིང་མི་སྨྲ་བར་གྱུར་པས་འདུག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས། བཅོ
270a8 ལྡན་འདས་ཀྱིས་ཞབས་གཉིས་ལ་ཕྱག་འཚལ་ཏེ་བཏུགས་ནས། གཞན་ཡང་ཞུས་པ། ཨེ་མ་ཧོ།། སྟོན་པ་རྟོགས་པར་དཀའ་བ་རྣམ་པར་ཤེས་པ་གསུམ་གྱི
iiif viewer powered by OpenSeadragon
