| e-texts navigator |
| Wylie |
268a1 ལྷ་མོ་བཙུས་#། ལ་ནི་བསྟན་ཟིན་ནས།། ལྷ་མོས་མཆོད་པ་བསྟན་པར་བྱ།། དྲི་དང་མེ་ཏོག་ཕྲེང་བ་དང་།། སྤོས་དང་ཞལ་ཟས་བཤོས་གཙང་གིས།། དབང་པོ་གཉིས་ནི་མཉམ
268a2 སྦྱོར་བས།། བདག་ལ་མཆོད་པ་རྣམས་བྱ་ཞིང་།། སེམས་ཅན་རྣམས་ཀྱང་སངས་རྒྱས་ཉིད།། སངས་རྒྱས་ཀུན་གྱི་གནས་གྱུར་པས།། དེ་བས་འབད་པ་ཐམས་ཅད་ཀྱིས།།
268a3 རྣལ་འབྱོར་པས་ནི་རྟག་ཏུ་མཆོད།། བྱ་བའི་ལས་རྣམས་གང་ཅིའང་རུང་།། རྣལ་འབྱོར་པ་ཡིས་མཆོད་པར་བསྒོམ།། ཟས་དང་བཏུང་བ་དེ་བཞིན་གོས།། དྲི་དང་ཕྲེང་བའང
268a4 དེ་བཞིན་ཏེ།། རིག་མའི་བཞི་རྣམ་བརྒྱན་པས།། བདག་ཉིད་ལྷར་ནི་གསལ་བར་བྱ།། རྡོ་རྗེ་འཆང་གིས་དེ་གསུང་ནས།། མི་གསུང་བར་ནི་རྣམ་པར་གནས།། དེ་ནས་ལྷ་མོ
268a5 བཞིས་ལག་ཐལ་མོ་སྦྱར་བ་བྱས་ནས།། ཞལ་འཛུམ་པ་དང་བཅས་པས་རབ་དུ་དང་བའི་ཡིད་ཀྱིས་རྣམ་པར་རྟོག་པ་ཐོབ་ནས། ཅང་མི་གསུང་བར་གྱུར་ཏོ།། ལྷ་མོ་བཞིས
268a6 ཞུས་པ་ལས། ལྷ་མོ་སྒྲོལ་མས་ཞུས་པ། གསང་བ་ཐམས་ཅད་ཀྱི་མཆོག་གི་ལེའུ་སྟེ་བཞི་པའོ།། །། གསང་བ་ཐམས་ཅད་ཀྱི་མཆོག། དམ་པའི་གསང་ཆེན་ཞེས
268a7 བྱ་བའི་རྒྱུད།། ལྷ་མོ་བཞིས་ཆོས་ཀྱི་དབྱིངས་ཞུས་པ།། དཔལ་ཨུ་རྒྱན་གྱི་ཡུལ་ནས་བྱུང་བ།། རྣལ་འབྱོར་གྱི་མ་ཆེན་མོ་དེ་ཁོ་ན་ཉིད། རྫོགས་སྷོ།། ལོཙྪ
268a8 དགེ་སློང་ཚུལ། ཁྲིམས་རྒྱལ་བས་བསྒྱུར་ཅིང་ཞུས་པ།། ཞུས་དག། དགེའོ།། བཀྲ་ཤིས་པར་གྱུར།།
iiif viewer powered by OpenSeadragon
