| e-texts navigator |
| Wylie |
266a1 ལྷ་མོ་བསུས་། བྱ་བཤད་པའོ།། ལྷ་མོ་བཞུས་པ་ལས།། ལྷ་མོ་གོས་དཀར་མོས་ཞུས་པའི་ལེའུ་སྟེ་གསུམ་པའོ།། །། དེ་ནས་ཞལ་ནི་ར་བ་བཞད་ནས།། བཅོམ་ལྡན་འདས
266a2 མ་སྒྲོལ་མ་ཡིས། རྡོ་རྗེ་སེམས་དཔའ་ལ་ཞུས་པ།། ཆོས་ཀྱི་དབྱིངས་ཀྱི་བསྒྲུབ་པའི་ཐབས།། རྡོ་རྗེ་ཆེན་པོས་བཤད་དུ་གསོལ།། རྫས་རྣམས་བསྒྲུབ་པའང་བཀའ་སྩལ་འཚལ།།
266a3 དེ་བཞིན་རིག་པའི་སྔགས་རྣམས་དང་།། དཀྱིལ་འཁོར་རྣམས་དང་རྟོག་པ་དང་། སྦྱིན་སྲེག་སོ་སོར་བྱ་བ་དང་།། མཆོད་པའི་ཆོ་ག་དེ་བཞིན་ཏེ།། ཐམས་ཅད་མ་ལུས་བཀའ
266a4 སྩལ་འཚལ།། དེ་ལྟར་ལྷ་མོས་ཞུས་པ་དང་།། རྡོ་རྗེ་སེམས་དཔས་བཀའ་སྩལ་པ།། ཆོས་ཀྱིས་དབྱིངསུ་བསྒྲུབ་པའི་ཐབས།། ཉོན་གཅིག་ལྷ་མོ་བཤད་པར་བྱ།། གཟུག
266a5 དང་སྒྲ་དང་དྲི་དང་ནི།། རོ་དང་རེག་པ་ཉིད་ལ་སོགས།། ཁམས་བཅཝོ་བརྒྱད་པོ་དེ་དག་ཀྱང་།། ཆོས་ཀྱི་དབྱིངས་ཞེས་བྱ་བར་བརྗོད།། དེ་དག་ཉིད་ལས་བྱུང་བ་ནི།། བྱང
266a6 ཆུབ་སེམས་ཞེས་བརྗོད་པ་ཡིན།། བྱང་ཆུབ་སེམས་ལས་གོང་བུ་སྐྱེ།། གོང་བུ་ལས་ནི་ཡིད་འབྱུང་ལ།། ཡིད་ལས་ཀྱང་ནི་ན་མཁའི་ཁམས།། ཁམས
266a7 རྣམས་དང་ནི་སྐྱེ་མཆེད་དང་།། དབང་པོ་ཕུང་པོ་འབྱུང་བ་རྣམས།། འདི་ལྟར་དབྱིངས་སུ་བསྡུ་བ་སྟེ།། བསྡུ་བ་དེ་ནི་བརྟན་བྱས་ན།། ཆོས་ཀྱི་དབྱིངསུ་བསྒྲུབ་པ་ཡིན།
266a8 དེ་ཕྱིར་ནན་ཏན་ཐམས་ཅད་ཀྱིས།། བསྒྲུབ་པ་ཡང་དག་བརྩམ་པར་བྱ།། རྟོག་པ་ཇི་བཞིན་རྗེས་འབྲངས་ནས།། བསྒྲུབ་པར་བྱ་བ་རབ་དུ་བརྟག། ཆོས་དབྱིང་བསྒྲུབ
iiif viewer powered by OpenSeadragon
