| e-texts navigator |
| Wylie |
9b1 སྤྱད་པ་དག་གིས་ངོམས་མི་མྱོང་ངོ་།། ཤ་རིའི་བུ་དེ་ལྟར་ནས་འདོད་པ་རྣམས་ནི་ཉེས་དམིགས་ཡིན་པར་མཐོང་ན། དེ་དག་འདོད་པ་རྣམས་ལས་ཡིད་འབྱུང་བར་འགྱུར། འདོད་ཆགས་དང་བྲལ་བར།
9b2 འགྱུར་ཏེ། མངོན་པར་དགའ་ནས། ཚངས་པར་སྤྱད་པ་སྤྱོད་ཅིང་། བཞིན་དང་བྲལ་བའི་མདངས་གསལ་བ་ཡིན་ནོ།། ཤ་རིའི་བུ་དེ་ནི་འདོད་པའི་ཕུང་པོ་ལས་བརྩམས་ནས་ཆོས་བསྟན་པ
9b3 ཡིན་ཏེ། ཤ་རིའི་བུ་འདོད་པ་ཡོངས་སུ་སྤྲོད་པ་དག་ལ་ཡིད་འབྱུང་བར་བྱའོ།། ཤ་རིའི་བུ་ཀུན་ནས་ཉོན་མོངས་པ་ནི་རང་གིས་བྱས་པའོ།། ཤ་རིའི་བུ་རྣམ་པར་བྱང་བ་དང་། རྣམ་པར་ཞི
9b4 བ་གང་ཞེ་ན། ཤ་རིའི་བུ་རྣམ་པར་བྱང་བ་དང་། རྣམ་པར་ཞི་བ་ནི་རང་གིས་བྱས་པའོ།། ཤ་རིའི་བུ་ཀུན་ནས་ཉོན་མོངས་པ་ནི་གང་། རང་གིས་བྱས་པ་ནི་གང་ཞེ་ན། ཆོས་སུ་འདུ་ཤེས
9b5 པ་ལ་མངོན་པར་ཞེན་པ་གང་ཞེ་ན། འདི་ལྟ་སྟེ་སྐྱེ་བར་འདུ་ཤེས་པ་དང་། འགག་པར་འདུ་ཤེས་པ་དང་། བདག་ཡོད་པ་དང་མེད་པར་འདུ་ཤེས་པ་ལ་མངོན་པར་ཞེན་པ་ཡོད་དེ། དེ་ནི་དེ
9b6 བཞིན་གཤེགས་པས་ཆོས་ཀྱི་ཕུང་པོ་ཞེས་བཀའ་སྩལ་ཏོ།། ཤ་རིའི་བུ་བྱིས་པ་སོ་སོའི་སྐྱེ་བོ་རྣམས་ནི་ལོང་བ་ཡིན་ཏེ། གཟུགས་ཀྱི་ཕུང་པོའོ་ཞེས་རློམ་སེམས་སུ་བྱེད། ཚེར་བ་དང་།
9b7 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཕུང་པོའི་ཞེས་རློམ་སེམས་སུ་བྱེད་དོ།། རློམས་སེམས་སུ་བྱེད་ན་འཆིང་ངོ་།། རློམས་སེམས་སུ་མི་བྱེད་ན་གྲོལ་ལོ།
iiif viewer powered by OpenSeadragon
