| e-texts navigator |
| Wylie |
301a1 ནས་མངོན་པར་ཤེས་པ་དྲུག་དང་ཡོན་ཏན་ཀུན་དང་ལྡན་པར་གྱུར་ཏོ།། དུས་གཞན་ཞིག་ན། དགེ་ཚུལ་གྱུན་ཏེ་ཤེས
301a2 རབ་ཀྱི་སྟོབས་ཀྱིས་ཚེ་སྔ་མ་ལ་ཅི་ཞིག་བྱས་པས་ལུས་འདི་ཐོབ་ནས་སློབ་དཔོན་དང་ཕྲད་དེ་འབྲས་བུ་ཐོབ་པར་གྱུར་པ་རྟགས་ན། ཚེ་སྔ་མ་ལ་ཁྱི་ལྟོགས་པ་ཞིག་བྱེད་པ་ལས། བདག་གི་སློབ
301a3 དཔོན་ཤ་རིའི་བུའི་དྲིན་གྱིས་མིའི་ལུས་དང་འབྲས་བུ་ཐོབ་པར་མཐོང་ཞིང་རྟོགས་ནས་རབ་ཏུ་དགའ་སྟེ་འདི་སྙམ་དུ་བསམས་སོ།། བདག་ནི་སློབ་དཔོན་འདིའི་དྲིན་གྱིས་སྡུག་བསྔལ་ལས་ཐར་བར
301a4 གྱུར་ཏོ།། ད་བདག་ནམ་འཚེའི་བར་དུ་སློབ་དཔོན་ལ་བསྙེན་བཀུར་བྱ་བའི་ཕྱིར་དགེ་ཚུལ་བྱའི་བསྙེན་པར་རྫོགས་པར་མི་བྱའོ་སྙམ་བསམས་སོ།། དེའི་ཚེ་ཀུན་དགའ་བོས་བཅོམ་ལྡན་འདས
301a5 ལ་གསོལ་པ། དགེ་ཚུལ་འདི་སྔོན་འདས་པའི་དུས་ན། སྡིག་པའི་ལས་ཅི་བགྱིས་པས་ཁྱིའི་ལུས་སུ་གྱུར། དགེ་བའི་རྩེ་བ་ཅི་བགྱིས་མ་རྣམ་པར་གྲོལ་བར་གྱུར།
301a6 བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན། སངས་རྒྱས་འོད་སྲུངས་ཀྱི་ཚེ་དགེ་སློང་དག་ཅིག་ལྷན་ཅིག་འཁོད་པ་ལས།
301a7 དགེ་ཚུལ་གཞོན་ནུ་སྐད་སྙན་པ་ཞིག་ཡོད་དེ། བསྟོད་པ་དང་དབྱངས་བྱེད་ན། ཐམས་ཅད་ཐོས་པར་དགའའོ།། དེའི་ཚེ་ན་དགེ་སློང་རྒན་པོ་ཞིག་ཡོད་པ་སྐད
iiif viewer powered by OpenSeadragon
