| e-texts navigator |
| Wylie |
300b1 བསོད་སྙོམས་བསླངས་ནས། དེ་མ་ཐག་ཏུ་གནམ་ལ་འཕུར་ཏེ། ཁྱིའི་གན་དུ་སོང་ནས། བྱམས་པ་ཤིང་སྙིང་བརྩེ་བའི་སེམས་བསྐྱེད་དེ། ཁ་ཟས་ཀྱིས་ཁྱི་དེ་བསྟོད་དོ།།
300b2 ཁྱི་དེ་ཁ་ཟས་ཟོས་ནས་ལྷག་པར་དགའ་སྟེ། ཤ་རིའི་བུས་དམ་པའི་ཆོས་བསྟན་ནས། ཁྱི་དེ་ཡང་དེར་ཚེ་འཕོས་ཏེ་མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ།། དུས་གཞན
300b3 ཞིག་ན། ཤ་རིའི་བུ་བསོད་སྙོམས་ལ་སོང་སྟེ། བྲམ་ཟེའི་སྒོར་བྱིན་མ་དང་། བྲམ་ཟེ་དེས་ཤ་རིའི་བུ་ལ་གཅིག་པུ་འགྲོ་བར་བྱེད། དགེ་ཚུལ་ཡང་མེད་དམ་ཞེས་སྨྲས་པ་དང་།
300b4 ཤ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག་པུ་འགྲོ་བ་ཡིན་ནོ།། ཁྱོད་ལ་བུ་གཅིག་ཡོད་ཅེ་ན་བདག་ལ་སྦྱིན་དུ་རུང་ངམ་ཞེས་སྨྲས་སོ།། བྲམ་ཟེས་སྨྲས་པ།
300b5 བདག་ལ་གྱུན་ཏེ་ཞེས་བྱ་བ་ཞིག་ཡོད་དེ་ད་དུང་ན་གཞོན་ཏེ། ཆུང་བས་ཅིང་ཡང་མི་ནུས་ཀྱིས། ནམ་སྐྱེས་པ་ན་སྦྱིན་ནོ་ཞེས་སྨྲས་སོ།། ཤི་རིའི་བུས་དེ་སྐད་ཅེས་སྨྲས་པ་ཐོས་ནས་ཡིད
300b6 ལ་བཟུང་སྟེ་ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ།། ཕྱིས་དེ་ལོ་བདུན་ལོན་པ་དང་བྲམ་ཟེའི་ཁྱིམ་དུ་སོང་སྟེ་བྲམ་ཟེ་དེ་ལ་བུ་བསླངས་པ་དང་། བྲམ་ཟེས་ཀྱང་ཤ་རིའི་བུ་ལ་ཕུལ་ལོ།།
300b7 ཤ་རེའི་བུས་ཀྱང་བུ་དེ་བཞེས་ནས་རྒྱལ་བུ་རྒྱལ་བྱེད་ཀྱི་ཚལ་དུ་ཁྲིད་དེ་དགེ་ཚུལ་དུ་བཅུག་ནས། དམ་པའི་ཆོས་རྣམ་པར་སྣ་ཚོགས་བསྟན་པས་སེམས་རྣམ་པར་གྲོལ་ཏེ་དགྲ་བཅོམ་པར་གྱུར།
iiif viewer powered by OpenSeadragon
