| e-texts navigator |
| Wylie |
11a1 ནོ་ཤ་རིའི་བུ་བུད་མེད་ཀྱི་ལུས་ཀྱི་ནང་མངལ་གྱི་གནས་ཡོད་པའི་ཕྱོགས་དེ་ན། སྲིན་བུ་ཟ་བར་བྱེད་པ་དཔར་དཔའ་བ་ཞེས་བྱ་བ་དག་ཡོད་དེ། དེ་དག་སྲིན
11a2 བུ་རབ་ཏུ་ལྡག་བྱེད་ཅེས་བྱ་བ་དེ་བསད་ནས་ཟའོ།། དེ་དག་སྲིན་བུ་རབ་ཏུ་ལྡག་བྱེད་དག་མ་སྙེད་ན་དེ་དག་ཀྱང་འཆིའོ།། སྲིན་བུའི་ཚོགས་དེ་དག་གཉེ་ག་ཤི་ནས་མེད་པ་དང་། ཕ་མ་འདས་པ་ལས
11a3 མངལ་ཆགས་པར་འགྱུར་རོ།། ཤ་རིའི་བུ་བུད་མེད་ཀྱི་ལུས་ལ་ལུས་ཀྱི་ནང་། སྐྱེ་གནས་ཀྱི་སྒོ་ན། སྲིན་བུ་ཚོགས་བཞི་ཡོད་དེ། འདི་ལྟ་སྟེ། མཆུ་མཆོག་ཅེས་བྱ་བ་དང་། གང་བུ་སྦེད་ཅེས་བྱ་བ
11a4 རླུང་འབྱིན་ཅེས་བྱ་བ་དང་། འདོད་ལེན་ཅེས་བྱ་བ་སྟེ། དེ་དག་རྟག་ཏུ་རྒྱུན་མི་ཆད་པར་བུད་ཀྱི་ལུས་ལ་ཟ་སྟེ། དེས་ན་བུད་མེད་ཉོན་མོངས་པ་རྣམས་ཀྱིས་ཤིན་ཏུ་འབར་བར་བྱ་སྟེ། འདོད་པ་ཡོངས་སུ
11a5 སྤྱད་པས་མི་ངོམས་པ་ཡིན་ནོ།། དེ་ལྟ་བས་ན་དེ་བཞིན་གཤེགས་པས། བུད་མེད་ཀྱི་སྐྱོན་ཆེས་ལྷག་པ་དེ་དག་མཁྱེན་ནས། བསླབ་པའི་བཞི་ལྷག་པ་དག་བཅའ་བར་མཛད་དོ།། ཤཱ་རིའི་བུ་ཆོས་ཀྱི
11a6 ཕུང་པོའི་ཆོས་ཀྱི་རྣམ་གྲངས་འདི་ཡང་དང་ཡང་དུ་འཁོར་བཞི་པོ་དག་ལ་སྟོན་ཅིག། དེ་ཅིའི་ཕྱིར་ཞེ་ན། འདོད་པ་རྣམས་ནི་སྨད་པར་བྱ་བ་ཡིན་པར་ཤེས་པར་འགྱུར། ལུས་ནི་སྨད་པར་བྱ་བ་ཡིན་པར
11a7 ཤེས་པར་འགྱུར་བའི་ཕྱིར་རོ།། ཤ་རིའི་བུ་དེ་ལྟར་ལུས་འདི་བཅོས་མ་ཡིན་པར་ཤེས་ནས། བྱིས་པ་སེ་སོའི་སྐྱེ་བོ་ཐོས་པ་དང་ལྡན་པ་མ་རྟོགས་པར། སུ་ཞིག་འདོད་པ་རྣམས་ལ་རྟེན་པར་བྱེད་དེ།
iiif viewer powered by OpenSeadragon
