| e-texts navigator |
| Wylie |
293b1 ལྤགས་ཤུན་ཡོངས་སུ་གཏོང་བའི་སྦྱིན་པ་བྱིན་པར་བྱ་གོར་མ་ཅག་སྙམ་མོ།། དེ་ལྤགས་ཤུན་ཡོངས་སུ་གཏོང་བའི་སྦྱིན་པ་དེ་བྱིན་པ་ན། དེ་བཞིན་གཤེགས
293b2 པའི་སྨོན་ལམ་བཞིན་དུ་ལྤགས་ཤུན་ཡོངས་སུ་གཏོང་བའི་སྦྱིན་པ་འདིས་ན། བདག་སེམས་ཅན་ཐམས་ཅད་ཀྱི་ལྤགས་པོ་འཛམ་ཞིང་སྲབ་ལ་གསེར་གྱི་ཁ་དོག
293b3 ལྟ་བུར་ཡོངས་སུ་དག་པར་གྱུར་ཅིག་ཅེས་སྨོན་ལམ་འདེབ་སོ་སོ།། དེ་ལ་ཚིག་ཕྱི་མ་ཡང་ཡོད་དེ།། ལྤགས་ཤུར་ཡོངས་སུ་གཏང་བ་ཡིས།། བདག་གིས་སུ
293b4 ནི་ལུས་ཅན་རྣམས།། ལྤགས་ཤུན་ལུས་ལས་སྐྱེས་པ་དག། འཇམ་སྲབ་གསེར་གྱི་མདོག་སྒྱུར་ཤོག། དེ་ལ་ཤ་དང་ཁྲག་ཡོངས་སུ་གཏོང་བའི་སྦྱིན་པ་ལ
293b5 ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། ཤ་དང་ཁྲག་ཡོངས་སུ་གཏོང་བའི་སྦྱིན་པ་ཞེས
293b6 བྱ་བ་དེ་ནི། བྱང་ཆུབ་སེམས་དཔའ་རྣམས་ཀྱི་སྙིང་པོ་མེད་པ་ཐམས་ཅད་ལས་སྙིང་པོ་བླང་བའི་ཚིག་བླ་དགས་ཡིན་གྱིས། བདག་གི་ཤ་དང་ཁྲོག་ཡོངས
293b7 སུ་གཏོང་བའི་སྦྱིན་པ་བྱིན་པར་བྱ་གོར་མ་ཆག་སྙམ་མོ།། དེ་ཤ་དང་ཁྲག་ཡོངས་སུ་གཏོང་བའི་སྦྱིན་པ་དེ་བྱིན་པ་ན། དེ་བཞིན་གཤེགས་པས་བསྐྱེད་པའི
293b8 སྨོན་ལམ་བཞིན་དུ་ཤ་དང་ཁྲག་ཡོངས་སུ་གཏོང་བའི་སྦྱིན་པ་འདིས་ན།། བདག་གིས་སེམས་ཅན་ཐམས་ཅད་སྙིང་པོ་མེད་པ་ཐམས་ཅད་ལས་སྙིང་པོ་ལེན་དུ
iiif viewer powered by OpenSeadragon
