| e-texts navigator |
| Wylie |
197b1 ཡང་དགེ་བའི་རྩ་བ་ཐམས་ཅད་ཀྱི་སྔོན་དུ་འགྲོ་བར་སྣང་བ་འདི་ནི་དེའི་སྦྱོར་བའོ།། བསམ་གཏན་གྱི་བསམ་པ་ནི། བྱང་ཆུབ་སེམས་དཔའི་སྦྱོར་བ་མི་ཟད་པ་སྟེ།
197b2 གང་ཡང་བསམ་གཏན་ཡོངས་སུ་སྦྱོང་བར་སྣང་བ་འདི་ནི་དེའི་སྦྱོར་བའོ།། ཤེས་རབ་ཀྱི་བསམ་པ་ནི་བྱང་ཆུབ་སེམས་དཔའི་སྦྱོར་བ་མི་ཟད་པ་སྟེ། གང་ཡང་ཐོས
197b3 པ་ཡོངསུ་སྦྱོང་བས་འདི་ནི་དེའི་སྦྱོར་བའོ།། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་བསམ་པ་ནི། བྱང་ཆུབ་སེམས་དཔའི་སྦྱོར་བ
197b4 མི་ཟད་པ་སྟེ། གང་ཡང་སེམས་ཅན་རྣམས་ལ་ཕན་པ་དང་། བདེ་བའི་ཕྱིར་དང་། ཆོས་ཀྱི་དགའ་བ་ལ་མོས་ཤིང་ཆགས་པ་དང་། ཁོང་ཁྲོ་བ་སྤོང་བར་སྣང
197b5 བ་དེའི་སྦྱོར་བའོ།། གང་ལུས་ཀྱི་ལས་རྣམ་གསུམ་གྱི་སྡོམ་པ་ཡོངས་སུ་དག་པའི་ཕྱིར་ལུས་བསམ་པ་ནི་བྱང་ཆུབ་སེམས་དཔའི་སྦྱོར་བ་མི་ཟད་པའོ།། ངག་གི
197b6 གི་ཉེས་པ་རྣམ་པ་བཞི་ཡོངས་སུ་སྤངས་པའི་ཕྱིར། ངག་གི་བསམ་པ་ནི་བྱང་ཆུབ་སེམས་དཔའི་སྦྱོར་བ་མི་ཟད་པའོ།། གནོད་སེམས་དང་། ཆགས་པ་དང་།
197b7 ལོག་པར་ལྟ་བ་མེད་པའི་ཕྱིར་སེམས་ཀྱི་བསམ་པ་ནི་བྱང་ཆུབ་སེམས་དཔའི་སྦྱོར་བ་མི་ཟད་པའོ།། ཆོས་ལ་སློབ་དཔོན་འཆབ་པ་མེད་པའི་ཕྱིར། ཐོས་པའི་བསམ
197b8 པ་ནི་བྱང་ཆུབ་སེམས་དཔའི་སྦྱོར་བ་མི་ཟད་པའོ།། ཐམས་ཅད་མཁྱེན་པའི་སེམས་སུ་སྦྱོར་བའི་ཕྱིར། སློབ་དཔོན་མི་འཆབ་པའི་བསམ་པ་ནི་བྱང་ཆུབ་སེམས་དཔའི
iiif viewer powered by OpenSeadragon
