| e-texts navigator |
| Wylie |
194a1 #དེ་སེམས་དེ་ནི་མངོན་དུ་འགྲོ་བར་བྱ་བར་སྐྱེས་སོ།། ཐེག་པ་གཞན་ལ་ཞུགས་པས་སེམས་དེ་ནི་ལྟ་བར་འོས་པའོ།། སེམས།
194a2 དེ་ནི་སེམས་ཅན་ཐམས་ཅད་ཀྱིས་བལྟར་མི་མཐོང་བར་སྐྱེས་སོ།། སེམས་དེ་ནི་སངས་རྒྱས་ཀྱི་ཆོས་ཐམས་ཅད་ཀྱི་ས་བོན་དུ་སྐྱེས་སོ།། སེམས་དེ་ནི་ཆོས
194a3 ཐམས་ཅད་ཀྱིས་མི་ཤིགས་པར་སྐྱེས་སོ།། སེམས་དེ་ནི་བདེ་བའི་དངོས་པོ་ཐམས་ཅད་ཀྱིས་གནས་སུ་སྐྱེས་སོ།། སེམས་དེ་ནི་བསོད་ནམས་ཀྱི་ཚོགས་ཀྱིས
194a4 བརྒྱན་པར་སྐྱེས་སོ།། སེམས་དེ་ནི་ཡེ་ཤེས་ཀྱི་ཚོགས་ཀྱིས་རབ་ཏུ་རྟོགས་ཏེ་སྐྱེས་སོ།། སེམས་དེ་ནི་སྦྱིན་པའི་ཚོགས་ཀྱིས་རབ་ཏུ་བསགས་ཏེ་སྐྱེས་སོ།།
194a5 སེམས་དེ་ནི་ཚུལ་ཁྲིམས་ཀྱིས་སྨོན་ལམ་གྱིས་འཕགས་པར་སྐྱེས་སོ།། སེམས་དེ་ནི་བཟོད་པའི་ཚོགས་ཀྱིས་བསྙེད་དཀའ་བར་སྐྱེས་སོ།། སེམས་དེ་ནི་བརྩོན
194a6 འགྲུས་ཀྱི་ཚོགས་ཀྱིས་རྒྱལ་བར་དཀའ་བར་སྐྱེས་སོ།། སེམས་དེ་ནི་བསམ་གཏན་གྱི་ཚོགས་ཀྱིས་ཞི་བའི་མཚན་ཉིད་དུ་སྐྱེས་སོ།། སེམས་དེ་ནི་ཤེས་རབ་ཀྱིས
194a7 ཐོགས་པ་མེད་པར་སྐྱེས་སོ།། བྱམས་པ་ཆེན་པོ་བསགས་པས་སེམས་དེ་ནི་གནོད་པ་མེད་པར་སྐྱེས་སོ།། སྙིང་རྗེ་ཆེན་པོ་བསགས་པས་སེམས་དེ་ནི་རྩ
194a8 བས་རབ་ཏུ་གནས་པའོ།། སེམས་དེ་ནི་དགའ་བ་ཆེན་པོ་བསགས་པ་ཏེ། མགུ་བ་དང་། མོས་པ་དང་། རབ་ཏུ་དགའ་བ་ལ་གནས་པར་སྐྱེས་སོ།། སེམས
iiif viewer powered by OpenSeadragon
