| e-texts navigator |
| Wylie |
193b1 སེམས་དེ་ནི་མི་གཡོ་བར་སྐྱེས་སོ།། ལོག་པའི་ནན་ཏན་ཐམས་ཅད་དང་བྲལ་བས་སེམས་དེ་ནི་མི་རྫི་བར་སྐྱེས་སོ།། མི་བསྐྱོད་པས་ནི་སེམས་དེ་ནི་ཤིན་ཏུ་གནས
193b2 པར་སྐྱེས་སོ།། གཉེན་པོ་མེད་པས་ན་སེམས་དེ་ནི་དཔེ་མེད་པར་སྐྱེས་སོ།། ཆོས་ཐམས་ཅད་ལ་ངེས་པར་འབིག་པས་ན་སེམས་དེ་ནི་རྡོ་རྗེ་ལྟ་བུར་སྐྱེས་སོ།།
193b3 ཚད་མེད་པའི་བསོད་ནམས་ཀྱི་ཚོགས་བསགས་པས་ན་སེམས་དེ་ནི་མུ་མེད་པར་སྐྱེས་སོ།། སེམས་ཅན་ཐམས་ཅད་ཀྱི་བསམ་པ་ལ་སེམས་དེ་ནི་མཉམ་པར་སྐྱེས
193b4 སོ།། ཐ་དད་དུ་འབྱེད་པ་མེད་པས་ན་སེམས་དེ་ནི་མི་མཉམ་པ་མེད་པར་བསྐྱེད་པར་སྐྱེས་སོ།། རང་བཞིན་གྱིས་ཀུན་ནས་ཉོན་མོངས་པ་མེད་པས་ན་སེམས་དེ་ནི་རྣམ
193b5 པར་དག་པར་སྐྱེས་སོ།། ཤེས་རབ་ཀྱི་འོད་གསལ་བའི་ཕྱིར། སེམས་དེ་ནི་དྲི་མ་མེད་པར་སྐྱེས་སོ།། ལྷག་པའི་བསམ་པ་མ་ནོར་བས་ན་སེམས་དེ་ནི་ཤིན་ཏུ
193b6 ངེས་པར་བསམ་ཏེ་སྐྱེས་སོ།། བྱམས་པ་ནི་ན་མཁའ་དང་མཉམ་ཞིང་མཚུངས་པས་ན། སེམས་དེ་ནི་ཡངས་པར་སྐྱེས་སོ།། སེམས་ཅན་ཐམས་ཅད་ཀྱི་རྐོ་འབྱེད
193b7 པས་ན་སེམས་དེ་ནི་རྒྱ་ཆེར་སྐྱེས་སོ།། མ་ཆགས་པའི་ཡེ་ཤེས་ལ་བཏང་བས་ན། སེམས་དེ་ནི་སྒྲིབ་པ་མེད་པར་སྐྱེས་སོ།། སྙིང་རྗེ་ཆེན་པོ་རྒྱུན་མ་བཅད་དེ
193b8 སེམས་དེ་ནི་ཐམས་ཅད་ཀྱི་རྗེས་སུ་སྔོ་བར་སྐྱེས་སོ།། སྔོ་བའི་ཚེ་ག་ཤེས་པས་ན་སེམས་དེ་ནི་རྒྱུན་མ་ཆད་པར་སྐྱེས་སོ།། ཐམས་ཅད་མཁྱེན་པས་རབ་ཏུ་བསྟོད
iiif viewer powered by OpenSeadragon
