| e-texts navigator |
| Wylie |
192b1 རྫོགས་པའི་སངས་རྒྱས་ད་ལྟར་བཞུགས་ཏེ། འཚོ་ཞིང་སྐྱོང་བ་ཆོས་ཀྱང་འཆད་དོ།། དེ་དག་གིས་གསོལ་པ། བཅོམ་ལྡན་འདས་བདག་ཅག་གིས་མི་མཇེད་ཀྱི་འཇིག་རྟེན་གྱི
192b2 ཁམས་དེ་དང་། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དང་། བྱང་ཆུབ་སེམས་དཔའ་དེ་དག
192b3 བལྟའོ།། དེ་ནས་དེའི་ཚེ་ཀུན་ཏུ་བཟང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སྐུ་ལས་འདི་ལྟ་བུའི་འོད་ཕྱུང་སྟེ། འོད་དེས
192b4 སངས་རྒྱས་ཀྱི་ཞིང་དེ་དག་ཐམས་ཅད་ལས་ཐལ་ནས། མི་མཇེད་ཀྱི་འཇིག་རྟེན་གྱི་ཁམས་འདི་དང་། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དང་།
192b5 བྱང་ཆུབ་སེམས་དཔའ་འདི་དག་རང་གི་བྱང་ཆུབ་སེམས་དཔའ་དེ་དག་ལ་སྟན་ཏེ། དེ་དག་གིས་མཐོང་ནས་ཐམས་ཅད་རང་གི་སྟན་ལས་ལངས་ཏེ་ཐལ་མོ་སྦྱར་ནས།
192b6 བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་འདི་དང་། བྱང་ཆུབ་སེམས་དཔའ་འདི་དག་ལ་ཕྱག་འཚལ་ཞིང་། ཚིག་འདི་སྐད་ཅེས་སྨྲས་སོ།།
192b7 བཅོམ་ལྡན་འདས་འདི་ལྟར་འཇིག་རྟེན་གྱི་ཁམས་འདི་ན་སྐྲའི་རྩེ་མོ་བཞག་པ་ཙམ་ཡང་། བྱང་ཆུབ་སེམས་དཔས་མ་གང་བ་མ་མཆིས་ན། བྱང་ཆུབ་སེམས
192b8 དཔའ་འདི་སྙེད་གང་ནས་འདུས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ་རྣམས་བྱང་ཆུབ་སེམས་དཔའ་འདི་དག་ནི་ཕྱོགས་བཅུའི་སངས་རྒྱས
iiif viewer powered by OpenSeadragon
