| e-texts navigator |
| Wylie |
191b1 དེ་དང་། བཅོམ་ལྡན་འདས་ཀུན་ཏུ་བཟང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དང་། པད་མོ་བཀོད་པ་དེ་དག་དང་། བྱང་།།
191b2 ཆུབ་སེམས་དཔའ་དེ་དག་མཐོང་སྟེ། མཐོང་ནས་ཀྱང་ཐམས་ཅད་རང་རང་གི་སྟན་ལས་ལངས་ཏེ་ཐལ་མོ་སྦྱར་ནས། བཅོམ་ལྡན་འདས་ཀུན་ཏུ་བཟང་པོ་དེ་བཞིན
191b3 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་དེ་དག་ལ་ཕྱག་འཚལ་ལོ།། དེ་ནས་སངས་རྒྱས་ཀྱི་མཐུ་དང་། བྱང་ཆུབ
191b4 སེམས་དཔའ་བློ་གྲོས་མི་ཟད་པའི་བྱིན་གྱིས་བརླབས་ཀྱིས་དེ་དག་གི་ལག་པ་གཡས་པར་སྔོན་མ་ཐོས་པའི་མེ་ཏོག་གི་ཕུར་མ་དྲི་རབ་ཏུ་ཞིམ་ཞིང་སྣ་ཚོགས་ལྟ་ན་སྡུག་པ།
191b5 ཁ་དོག་དང་ལྡན་པ། ཡིད་དུ་འོང་བ་བྱུང་བར་འགྱུར་ཏེ། དེ་དག་གི་མེ་ཏོག་དེ་དག་ཤར་ཕྱོགས་སུ་བཅོམ་ལྡན་འདས་ཀུན་ཏུ་བཟང་པོ་དེ་བཞིན་གཤེགས་པ་དགྲ་བཅོམ་པ་ཡང
191b6 དག་པར་རྫོགས་པའི་སངས་རྒྱས་གང་ན་བ་དེར་ལོགས་སུ་མེ་ཏོག་ཕུར་མ་དེ་དག་གཏོར་ཏེ། མེ་ཏོག་གཏོར་བ་དེ་དག་སངས་རྒྱས་ཀྱི་ཞིང་དེར་ཆགས་ཏེ། ཀུན་ཏུ་བཟང་པོ
191b7 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་དེ་དག་ལ་མངོན་པར་གཏོར་ནས། དེ་དག་གིས་འཇིག་རྟེན་གྱི
191b8 ཁམས་ཐམས་ཅད་མེ་ཏོག་གིས་གང་བར་གྱུར་ཏོ།། བྱང་ཆུབ་སེམས་དཔའ་དེ་དག་གིས་ཀྱང་། བཅོམ་ལྡན་འདས་ཀུན་ཏུ་བཟང་པོ་དེ་བཞིན་གཤེགས་པ་དགྲ་བཅོམ
iiif viewer powered by OpenSeadragon
