| e-texts navigator |
| Wylie |
190a1 @མེད་པའོ།། ཚོར་བ་མེད་པས་ཚོར་བར་གྱུར་པ་མེད་པའོ།། འདུད་པ་མེད་པས་མདུན་པ་དང་བྲལ་བའོ།། འདུ་མི་བྱེད་པས་འདུས
190a2 མ་བྱས་པའོ།། རྣམ་པར་ཤེས་པ་མེད་པས་མི་རིག་པའི་མཚན་ཉིད་དོ།། མི་འཛིན་པས་ལེན་པ་མེད་པའོ།། མི་གཏོང་བས་དོར་བ་མེད་པའོ།། གནས་མེད་པས
190a3 མི་གནས་པའོ།། ཚོར་བ་དང་བྲལ་བས་མི་འདུག་པའོ།། མི་འབྱུང་བས་མེད་པར་མི་འགྱུར་བའི་མཚན་ཉིད་དོ།། དྲན་པ་དང་ཡིད་ལ་བྱེད་པ་དང་། སེམས་དང
190a4 སེམས་ལས་བྱུང་བའི་ཆོས་ཐམས་ཅད་ཀྱིས་མ་བཟུང་བ་རྙེད་པ་མེད་པ། ལེན་པ་མེད་པ། དོར་བ་མེད་པ། རབ་ཏུ་ཞི་བ་ཐོག་མ་ནས་མ་སྐྱེས་པ། མི་སྐྱེ་བས
190a5 རབ་ཏུ་ཕྱེ་བ། ཆོས་ཀྱི་དབྱིངས་སུ་ཡང་དག་པར་འདྲ་བ་མཉམ་ཞིང་མི་མཉམ་པ་མེད་པར་གྱུར་པ། ནམཁའ་མཚུངས་ཤིང་མཉམ་པ། མིག་དང་གཟུགས་ཀྱི་ལམ་ལས
190a6 འདས་པ། དེ་བཞིན་དུ་རྣ་བ་དང་། སྒྲ་དང་། སྣ་དང་། དྲི་དང་། ལྕེ་དང་། རོ་དང་། ལུས་དང་། རེག་བྱ་དང་། ཡིད་དང་། ཆོས་ཀྱི་ལམ་ལས་འདས་པ
190a7 མ་ཡིན་ཏེ། སངས་རྒྱས་ཀྱི་རྗེས་སུ་དྲན་པ་འདི་འདྲ་བ། བྱང་ཆུབ་སེམས་དཔའ་དེ་དག་གིས་རབ་ཏུ་ཐོབ་བོ།། དེ་དག་གིས་སངས་རྒྱས་ཀྱི་རྗེས་སུ་དྲན་པ་འདི་ཐོབ
190a8 མ་ཐག་ཏུ་ཆོས་ཐམས་ཅད་ལ་སྒྲིབ་པ་མེད་པའི་ཡེ་ཤེས་ཐོབ་པར་འགྱུར་ཏེ། སངས་རྒྱས་བཅོམ་ལྡན་འདས་ཐམས་ཅད་ཀྱིས་གསུངས་པ་འཛིན་ཅིང་བརྗོད་པ་ཡང
iiif viewer powered by OpenSeadragon
