| e-texts navigator |
| Wylie |
189b1 ཁམས་ཀྱི་མ་ཡིན། མེའི་ཁམས་ཀྱི་མ་ཡིན། རླུང་གི་ཁམས་ཀྱི་རྣམ་པར་ཤེས་པའི་གནས་མ་ཡིན། མིང་དང་གཟུགས་ཀྱི་རྣམ་པར་ཤེས་པའི་གནས་མ་ཡིན།
189b2 དེ་བཞིན་དུ་རྣ་བའི་མ་ཡིན། སྒྲའི་མ་ཡིན། སྣའི་མ་ཡིན། དྲིའི་མ་ཡིན། ལྕེའི་མ་ཡིན། རོ་ཡི་མ་ཡིན། ལུས་ཀྱི་མ་ཡིན། རེག་བྱའི་མ་ཡིན། ཡིད་ཀྱི་མ་ཡིན།
189b3 ཆོས་ཀྱི་རྣམ་པར་ཤེས་པའི་གནས་མ་ཡིནོ།། དེ་ལ་སངས་རྒྱས་ཀྱི་རྗེས་སུ་དྲན་པ་ནི་དམིགས་པ་ཐམས་ཅད་ལ་མི་གནས་པའོ།། མཚན་མ་ཐམས་ཅད་མི་ལྡང
189b4 བའོ།། གཡོ་བ་དང་། སེམས་པ་དང་། སྐྱེད་པ་ཐམས་ཅད་ཀྱི་རྒྱུ་བ་མེད་པའོ།། མཐོང་བ་དང་། ཐོས་པ་དང་། བྱེ་བྲག་བྱེད་པ་དང་། རྣམ་པར་རིག་པ་མི་སྐྱོ་བའོ།།
189b5 དབང་པོ་དང་རྣམ་པར་གྲོལ་བའི་མཚན་ཉིད་ཐམས་ཅད་ཀྱི་རྗེས་སུ་འགྲོ་བའོ།། སེམས་ཅིག་ནས་ཅིག་ཏུ་ཕྱིར་འཚམས་སྦྱོར་བ་མེད་པའོ།། རྟོག་པ་དང་། རྣམ་པར
189b6 རྟོག་པ་ཐམས་ཅད་ཉེ་བར་ཞི་བའོ།། ཉེས་པ་དང་། ཆགས་པ་དང་། ཁོང་ཁྲོ་བ་བཅོམ་པའོ།། རྒྱུའི་མཚན་ཉིད་རྣམ་པར་ཆད་པའོ།། ཕ་རོལ་དང་ཚུ་རོལ་དང་དཔུང
189b7 དང་མཐར་འཛིན་པ་ཐམས་ཅད་ཡང་དག་པར་ཆད་པའོ།། སྒྲོ་བཏགས་པས་འོད་གསལ་བའོ།། ཕྱེ་བ་མེད་པའི་ཕྱིར་དགའ་བ་མེད་པའོ།། མྱང་བ་མེད་པའི་ཕྱིར་བདེ་བ་མེད
189b8 པའོ།། ཐོག་མ་ནས་ཞི་བས་ཡོངས་སུ་གདུང་བ་མེད་པའོ།། འབད་པ་ཐམས་ཅད་དང་བྲལ་བས། རྣམ་པར་གྲོལ་བའི་མཚན་ཉིད་དོ།། གཟུགས་མེད་པས་ལུས
iiif viewer powered by OpenSeadragon
