| e-texts navigator |
| Wylie |
189a1 ཐ་དད་པ་དང་། སོ་སོ་བས་རབ་ཏུ་མ་ཕྱེ་བ། སེམས་ཀྱི་དམིགས་པ་དགྲང་བས་རབ་ཏུ་མ་ཕྱེ་བ། ནང་དང་ཕྱིར་གཡོ་བས་རབ་ཏུ
189a2 ཕྱེ་བ། རྣམ་པར་རྟོག་པའི་མཚན་མ་དང་བླང་བ་དང་། དོར་བས་རབ་ཏུ་ཕྱེ་བ། ཁ་དོག་དང་། དབྱིབས་དང་། མཚན་མས་རབ་ཏུ་མ་ཕྱེ་བ། སྤྱོད་ལམ་དང་སྤྱད
189a3 བ་དང་། སྤྱོད་པས་རབ་ཏུ་མ་ཕྱེ་བ།། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང
189a4 བ་ཡིད་ལ་བྱེད་པས་རབ་ཏུ་མ་ཕྱེ་བ། སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པར་སྒྲོ་བཏགས་པས་རབ་ཏུ་མ་ཕྱེ་བ་ཡིན་ཏེ། འདི
189a5 ལྟར་སངས་རྒྱས་ཀྱི་རྗེས་སུ་དྲན་པ་ནི་བསམ་གྱིས་མི་ཁྱབ་པ། རྒྱུ་བ་མེད་པའི་རྣམ་པར་མི་རིག་པའི་མཚན་ཉིད་དེ། ངའི་བ་མེད་པའི་ཡིད་ལ་བྱེད་པ་དང་བྲལ
189a6 བ་མི་དྲན་པའི་ཡིད་ལ་བྱེད་པ་མེད་པའི་གནས། ཕུང་པོ་དང་། ཁམས་དང་། སྐྱེ་མཆེད་འབྱུང་བ་དང་། འཇིག་པའི་གནས་མ་ཡིན། ཐོགས་པ་མ་ཡིན། འཇུག
189a7 པ་མ་ཡིན། གནས་པ་མ་ཡིན། མི་གནས་པ་མ་ཡིན། རབ་ཏུ་གནས་པ་མ་ཡིན། ཡང་དག་པར་གནས་པ་མ་ཡིན། གཟུགས་ཀྱི་རྣམ་པར་ཤེས་པའི་གནས་མ་ཡིན།
189a8 ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པས་ཤེས་པར་བྱ་བའི་གནས་མ་ཡིན། སའི་ཁམས་ཀྱི་རྣམ་པར་ཤེས་པའི་གནས་མ་ཡིན། ཆུའི
iiif viewer powered by OpenSeadragon
